entornos activos

Igual que en anos anteriores o noso alumnado puido coñecer o deporte da orientacion, excelente mezcla de resistencia, sentido da orientación e contacto coa natureza. Este ano tocoulle ao alumnado de 2º da ESO.  

Viveiro é unha vila que atrae moitos campionatos nacionais de distintas categorías e deportes, así como pretemporadas. Seguramente sexa polas condicións climatolóxicas, polo acceso ás instalacións e, en xeral, polas facilidades que se deben de dar dende o Concello. Así pois, estamos, como non, ante un entorno activo. 

Este ano tocounos poder disfrutar dunha fase previa do campionato de España de fútbol sala masculino sub-19 e sub-16. Ao alumnado encantoulle a experiencia. 

E ainda que o voleibol goza de moi "boa saúde" no noso centro, non está de máis que o alumnado coñeza clubes onde poder practicar este deporte dun xeito máis "profesional". Desgraciadamente non temos ningún equipo no noso concello. Jorge e Fran, ambos vinculados co clube de Cervo, viñeron a falar dos horarios, dos equipos e dar tamén unhas fabulosas clases para "tentar" ao alumnado.

Este ano, ao final da actividade anotáronse dúas persoas...seguro que o vindeiro curso faranno máis...!!!!

A nosa relación co proxecto Voz Natura do centro é unha constante. Este curso o noso proxecto ía encaminado á busqueda e detección de puntos "sucios" que habelos hainos, por desgraza, máis dos que pensamos. O alumnado fixo saídas e nós acompañámolos no traxecto e diriximos parte do mesmo.

Atención alumnado de bacharelato, este ano voltaremos ao SURF tedes ata o 14 de Maio para presentar as autorizacións

Coma ven sendo habitual no noso centro queremos coñecer os deportes que podemos practicar ao noso redor. O piragüismo é unha actividade moi completa e distinta cuxo clube todos os anos fainos unha visita para motivar ao alumnado á súa práctica. Este ano non podía ser menos. 

Sesión de presentación e "teoría" pola mañá e clase práctica pola tarde. Día completo!!!!!