RCP básica
Toda a poboación debería ser capaz de reaccionar de forma eficaz ante situacións de emerxencia. En España anualmente danse 30000 casos de morte súbita. As medidas de reanimación cardiopulmonar poden conseguir "recuperar" á vítima. Para iso é importante recoñecer á situación de emerxencia, coñecer o protocolo de actuación e poñelo en marcha o antes posible. Cada minuto que pasa unha persoa en parada cardíaca a súas posibilidades de recuperación diminúen nun 10%.
Neste tema imos explicar como recoñecer unha situación de emerxencia e como actuar de xeito adecuado. Trataremos o protocolo de actuación ante persoas inconscientes e ante atragantamentos.
Seguramente ó falar de paradas cardíacas e de persoas inconscientes, vénsenos á cabeza o "boca a boca" ou a coñecida posición lateral de seguridade (PLS). Antes de continuar temos que dicir que ambas actuacións xa NON SE LEVAN Á CABO no protocolo de primeiros auxilios. Polo tanto, recordade estes CAMBIOS NO PROTOCOLO:
NON SE FAN AS INSUFLACIÓNS (adeus ao "boca a boca")
NON SE UTILIZA A POSICIÓN LATERAL DE SEGURIDADE
PROTOCOLO DE ACTUACIÓN ANTE UNHA PERSOA INCONSCIENTE
1.- COMPROBAR SE RESPIRA coa maniobra FRENTE-MENTÓN
Pódense dar dúas opcións:
A) RESPIRA
B) NON RESPIRA: Nin que decir ten, que esta é a máis complexa.
Se a persoa INCONSCIENTE RESPIRA:
2.- CHAMAMOS ÁS EMERXENCIAS (112/061)
3.- SEGUIMOS Ó LADO DA VÍTIMA, COMPROBANDO PERIODICAMENTE QUE SEGUE A RESPIRAR.
no caso de que vexamos que vai vomitar....poñémolo de lado e logo volvémolo á posición inicial
no caso de que deixe de respirar pasaremos ó protocolo de persoa inconsciente que NON RESPIRA
Se a persoa INCONSCIENTE NON RESPIRA (SITUACIÓN MOI GRAVE):
2.- CHAMAMOS ÁS EMERXENCIAS (112/061)
3.- INICIAMOS MASAXE CARDÍACA A RITMO de 100 COMPRESIÓNS POR MINUTO (falase sempre de máis de 100 e menos de 120). NON DEBEMOS PARAR ata que cheguen as asistencias médicas ou esgotemos.
No caso de dispoñer do DESA (DESFIBRILADOR semiautomático), utilizámolo seguindo as instruccións que nos de
Se temos DESFIBRILADOR, poñémolo e seguimos as instruccións. Se estamos dúas persoas unha segue a facer RCP ata que a outra o coloca. Este aparello vai facer unha análise cada dous minutos e sempre nos vai indicar o que temos que facer.
RESUMO PROTOCOLO ACTUACION PERSOA INCONSCIENTE
PROTOCOLO DE ACTUACIÓN ANTE UN ATRAGANTAMENTO
Unha persoa está sufrindo un atragantamento cando hai algo que lle está a obstruir as vías aéreas.
O noso corpo xa vai reaccionar tosendo, de xeito que se a persoa tose, témola que deixar que o faga. Ese é o primeiro paso.
No caso de que a tos NON ESTÉ A SER EFECTIVA (estamos ante unha obstrucción total) temos que pasar á seguinte fase que sería alternar 5 palmadas interescapulares (na espalda entre os omóplatos) con 5 compresións abdominais (maniobra de Heimlich).
Se o anterior non resulta efectivo, desgraciadamente a vítima vai entrar en parada cardio-respiratoria, polo que teríamos que actuar como xa indicamos ao principio: chamada a emerxencias e masaxe cardíaca.