Orendaingo kultur etxea Orendaingo plazan dago. Kultur etxean 4 solairu daude: lehenengo solairuan haurtzandegia dago, eta 0 urtetik 3 urtera bitarteko haurrak egoten dira. Hezitzaileak Arantxa eta Idurre dira. Bigarren solairua gauza askotarako erabiltzen da: ingeleseko ikastaroak egiteko, josteko ikastaroak, euskarako ikastaroak, dantza eta yoga. Ile apaindegia ere badago. Hirugarren solairuan, gimnasioa dago, eta laugarren solairuan liburutegia dago. 

2020ko urriaren 21ean kultur etxeko goiko zatia hegan atera zen. Gau horretan, haize handia zegoen, eta liburutegiko leiho bat irekita zegoen. Orduan, haizea hain indartsu zebilenez, leihotik sartu zen eta teilatua hegan atera zen. Herri osoan zehar zabaldu ziren liburuak. Hurrengo goizean  lurreko liburuak jasotzen aritu ziren herritarrak, eta ostatuan ogitartekoak banatzen egon ziren.