Larraitz auzotik Abaltzisketara dagoen ibilbideak 1,5 km inguru ditu, eta %-08ko gehieneko malda du. Bideak 2 metroko zabalera du eta zementuz egina dago. Ibilbide guztian zehar egurrezko barandila bat dago jarrita itsuentzat, eta ibilbidean zehar plaka batzuk daude, animalia, landare... eta horrelako gauzen informazioa ematen dutenak. Euskaraz eta gaztelaniaz idatzita daude, eta itsuek irakurtzeko moduan ere badaude. Bidean zehar burdinazko animalien figuritak ere badaude, eta itzala egiten duten zuhaitz batzuk ere badaude bidearen iskinan. Ibilbidean zehar egurrezko bankuak daude deskantsatzeko, eta egurrezko bi egitura ere badaude banku handi batekin eta aterpearekin. Bertatik inguruko paisaia ederrak ikusteko aukera ematen dute; adibidez, Txindoki mendia ikustekoa.