Aralar paper fabrika

Aralar  paper fabrika Amezketako familia enpresa bat da. 1935ean martxan jarri zenetik, puntako teknologiaz baliatu da papera fabrikatzeko eta inbertsio garrantzitsuak egin ditu abangoardian egoteko beti.

Azkar hedatzen eta nazioartean 40 herrialdetan baino gehiagotan egonkortzen ari den enpresa bat da; izan ere, Espainiako merkatuaren buruan eta Europako lehenbiziko postuetan dago. 115.000 tona paper egiten ditu urtean, 45 produktu mota baino gehiago ditu eta 190 langile baino gehiago ditu. Paper hauek egiten dituzte:  toallatxo higienikoak, paper biodegradagarriak… Bere koordenatuak hauek dira: 43º02’53”N 2º05’14”W. Hona iristeko Amezketako plazatik abiatuko gara, oso gertu dago plazatik, eta Bartolome Deunaren kalea pasatakoan, sarrera ikusiko dugu segituan.