ARALIN 2-  ANG TALAARAWAN KO

 Pakikinig at Pagsasalita

• Naibibigay ang paksa ng napakinggang kuwento/usapan

• Nakapagbibigay ng angkop na pamagat sa tekstong napakinggan

• Naisasalaysay muli ang napakinggang teksto sa pamamagitan ng pagsasadula

• Nagagamit ang magagalang na salita sa pagsasabi ng hinaing o reklamo

• Nagagamit ang iba’t ibang uri ng panghalip sa usapan at paglalahad ng sariling karanasan

Pagbasa

• Naibibigay ang kahulugan ng salitang pamilyar at di-pamilyar na mga salita sa pamamagitan ng kasingkahulugan

• Nasasagot ang mga tanong sa binasang talaarawan

• Naibibigay ang mahahalagang pangyayari sa nabasang talaarawan/ talambuhay

• Nabibigyang-kahulugan ang bar graph, pie graph talahanayan, at iba pa

 Pakikinig at Pagsasalita

• Naibibigay ang paksa ng napakinggang kuwento/usapan

• Nakapagbibigay ng angkop na pamagat sa tekstong napakinggan

• Naisasalaysay muli ang napakinggang teksto sa pamamagitan ng pagsasadula

• Nagagamit ang magagalang na salita sa pagsasabi ng hinaing o reklamo

• Nagagamit ang iba’t ibang uri ng panghalip sa usapan at paglalahad ng sariling karanasan

Pagbasa

• Naibibigay ang kahulugan ng salitang pamilyar at di-pamilyar na mga salita sa pamamagitan ng kasingkahulugan

• Nasasagot ang mga tanong sa binasang talaarawan

• Naibibigay ang mahahalagang pangyayari sa nabasang talaarawan/ talambuhay

• Nabibigyang-kahulugan ang bar graph, pie graph talahanayan, at iba pa

 Pag-usapan sa pangkat ang bawat salita. Magtanungan tungkol dito.

1. Paano ang kilos sa isang panayam?

2. Ano ang sawikain?

 Basahin

                                Ang Talaarawan Ko

Sabado, Hulyo 22, 2017

Maaga akong gumising at tumulong ako kay ate at inay sa paghahanda ng almusal. Matapos akong magligpit ng aming kinainan at linisin ito, agad kong binuksan ang aking kuwaderno. Una kong ginawa ang paghahanda para sa ulat ng aming pangkat. Mayamaya dumating na sina Monina, Letty, at Arietta na aking kapangkat. Naghati-hati kami sa paggalugad ng iba’t ibang sanggunian para sa aming proyekto tungkol sa sawikain. May magsasaliksik

gamit ang iba’t ibang aklat at journal, maggagalugad sa Internet, at bubuo ng sitwasyon sa bawat sawikain. Pinag-usapan din namin ang susunding balangkas sa ilalahad na gawain.

Makalipas ang ilang oras, inilahad ng bawat kasapi ang nabuong bahagi sa ulat. Magtatanghali na kaya nagpaalam na ang aking mga kapangkat. Nagdesisyon kaming tatapusin ito bukas ng hapon.

Linggo, Hulyo 23, 2017

Mga ika-3 ng hapon dumating ang mga kapangkat ko. Sabay-sabay ay nagtutulungan kami sa pagsuri at tinalakay ang inayos na ginalugad na datos at

impormasyon. Nagkasundo kami na iuulat namin ang proyekto sa pamaraang panayam sa tulong ng slide presentation. Nagmungkahi pa si Monina na

saliwan ito ng tugtuging Filipino upang maging kawili-wili ang paglalahad.

B. Pagbibigay ng Kahulugan sa mga Salitang Pamilyar at Di-pamilyar sa Pamamagitan ng Kasingkahulugan

Lagyan ng tsek ( ) ang patlang ng mga salitang magkasingkahulugan. Kung hindi, itala ang tamang kasingkahulugan.

__________ 1. almusal – agahan 

__________ 2. pangkat – isahan

__________ 3. kuwaderno – notbuk

__________ 4. kapangkat – kagrupo

__________ 5. sitwasyon – trabaho 

__________ 6. tatapusin – iiwanan

__________ 7. talaarawan – diyalogo 

__________ 8. panayam – sermon

__________ 9. kasapi – kasama

__________ 10. klasrum – silid-aralan

 C. Paggamit ng Panghalip na Pamatlig

A. Bilugan ang panghalip na pamatlig at ikahon ang pangngalang kinakatawan nito.

1. Ang mga bata ay gagawa ng proyekto sa silid-aklatan. 

        Doon sila pupunta ngayon.

2. Gupitin ang dulo ng papel. Ganyan ang paggawa ng

          tarheta ng kandidato.

3. Ang botohan ay mapayapa. Ito ay ipinagmamalaki niya.

4. Ang papel at lapis ay nasa mesa. Iyon ang gagamitin sa

       halalan.

5 Ang kandidato ay lumabas ng silid. Hayun siya sa may

         tabi ng opisina ng punong-guro.

6. Dala-dala ni Aling Lenie ang mga paninda niya na

     dadalhin sa botohan. Diyan niya ibinaba ang mga iyon.

7. Ang pinto ng aming bahay na pagdarausan ng kampanya

     ay nasira. Heto nga at ginagawa ng karpintero.

8. Ang paligsahan ay lalahukan ng mga bata. Ito ay tiyak na

       magiging masaya.

9. Mabigat ang mga pagkaing inihanda sa kampanya na

        binuhat ni Andy. Hayan siya at mukhang pagod.

10. Basahin nang maayos ang mga balota. Ganyan ang

         wastong gawain sa halalan.

 Ang panghalip na pamatlig ay salitang panghalili o pamalit sa pangngalan na ginagamit sa pangungusap.

Halimbawa:

Heto na ang sagot sa lahat ng problema.

Ganyan ang katangian ng may malasakit sa bayan.

Narito ang ilan pang halimbawa ng panghalip na pamatlig:

– ito, nito, ganito, dito, heto

– iyan, niyan, ganyan, diyan, hayan

– iyon, niyon, ganoon, doon, hayun

  English : Demonstrative Pronoun 

 Ang mga bata ay susulat ng 5 pangungusap sa kanilang kwardernong  Filipino gamit  ang Panghalip Pamatlig.

 B. Isulat sa patlang ang angkop na panghalip na pamatlig. Pumili sa loob ng panaklong.

1. Kay tamis ng handog na tagumpay sa halalan. Sasali uli ako _____________. (rito, ito, hayun)

2. Nakita mo ba ang aking kapatid na kandidato? _____________ at nagpapahinga pala. (Hayun, Dito, Niyan)

3. Pagmasdan mo ang mga gamit sa halalan. _____________ ay listahan ng mga botante. (Iyon, Iyan, Ito)

4. Matamis ang ginawang buko salad na dadalhin sa kampanya. Ate, sana gawan mo ko ng ____________. (ganoon, ganito, ganyan)

5. Huwag na kayong lumipat. _____________ na kayo mamalagi at bumoto. (Dito, Ito, Nito)

6. Nene, _____________ bang tarhetang dala mo ay para sa proyekto? (iyan, iyon, ito)

7. Naku! Nawala ang mga bolpen na gagamitin sa botohan. _____________ pala at nasa ilalim ng mesa. (Heto, Hayan, Hayun)

8. Hindi ka pala marunong mangampanya. _____________ ang paraan ng pangangampanya. (Ganito, Ganyan, Ganoon)

9. Ang mga bata ay namamasyal sa parke na pagdarausan ng kampanya. _____________ sila sa hardin. (Hayun, Hayan, Dito)

10. Mukhang maayos ang iyong listahan ng mga kandidato. Pahingi naman _____________. (nito, niyon, niyan)