Stòri piscèni (con la cadensa de la Moia)2

Bachèti de ombrela (<--clicca per audio)

Ol Mario di Buac’ l’era üu ca ‘l ghe piaseva fa schèrs. En di la piantáat gió bachète de ombrela 'ndel prat d’in om ca l ghera antipatec. I a lagadi vaza su noma tri ghèi quant ca chel om la cuminciáat a segaa al ghe se zernava sempre la folsc’e al doeva cuntinuàa a mulala. Ol Mario, piacáat derèt a n scialèsc’ al se pisava adòs dal grignàa.

Brüsegù (<--clicca per audio)

ià ‘n dè nùu, da la Moia al Tursciù, tetafò e brϋsegù.

Tetafò = castegni lèssi

Brüsegù = brascher brüsegac’ de fò e crüuf detè

Capel del marascial (<--clicca per audio)

In on al gheva en ciù ca ’nveci da ‘ngrasàa al dimagriva, ilura al ghe na parláat a ‘n so amìis, ca ‘l ga dac’ sto cunsiglio:

-prua a mètech sü ol càpel del marascial de la forestal

Lüu l’a pruáat a mètec sü sto càpel e ol ciù al ‘ngrasava

Caterina de la val (<--clicca per audio)

Caterina de la val, leva sü cal canta ‘l gal

Canta ‘l gàal e la galina, leva sü ti Caterina

Caterina dai corai, leva sü ca l canta ol gal

Canta ‘l gàal e la galina, leva sü ca l’e matina

Come….modi da dii (<--clicca per audio)

Süáat come ‘n ciù

Mat come n caval

Strach come n’asen

Mort da la fam come ‘n lüf

Svelt come ‘n gàt

Viscol come ‘n pès

Sempri ‘n gir come ‘n càa

Magro come 'na caora

Sac’ come ‘n corf chiló amò òtri

Compagno sveglia (<--clicca per audio)

En comunista e ‘l so fiöl i’e ‘ndac a sintii en discórs de Paietta ca ‘l diseva:

- compagni, battiamo il governo e l’avvenire sarà nostro

Quand ca i tornava a cà, ol redes al ga domandat al pa da spiegach, parchè l’eva ca capit niènt.

Ol pà al gha dac’ stà spiegaziù:

-compàgn an se mi e ti, ol governo l’è la mama e l’avenir l’è ol to fradilìi

Ol redès ca ‘l durmiva ‘nsema ‘l ridisìi, a ‘n certo punto de la nòc’ l’a sentit ‘na spüzza, ilura al se mès fò a ösàa:

-compagno, sveglia ‘l governo, ca l’avenir l’è piee de merda

Faso tuto mi (<--clicca per audio)

En veneto e ‘n milanes i e ‘ndac’ a cercàa da laoràa en d’ina fabrica.

Ol padrù al domandáat al veneto:

-cosa te se bùu da faa

-faso de tuto

Dopo al ga fac’ la stesa domanda al milanes ca l’ga respondüt:

-mi fo niènt parchè la fac’ tüt lüu

Fii del mont (<--clicca per audio)

quanca al finisarà òl fèe de Caspṍc’, òl gràa de Tèi e òl vìi de Pónt, al finirà òl Mónt.

Gat e avocat (<--clicca per audio)

L’è mèi ‘n ràt te ‘n buca al gàt, che ‘n cristiaa en maa a ‘n aocáat

Macelar (<--clicca per audio)

A ‘n macelar en client al gha domandàat

-Al ghe n’a de carna de mans?

-Ossi si !

Manico mio (<--clicca per audio)

N’om l’a pers ol manech de l’ombrela. ‘ntáat ca 'l pasava denaz a ‘n palaz l’a idüut ca ‘l ghèra scrüut sü Manico mio

Ilura l’e 'ndac ditè par fas restitüìi ol manec de la sua ombrela. I ‘nfermier a i l’a ciapáat e i l’a ricoveráat

Oca pro nobis (<--clicca per audio)

òl prevet e òl sacrista, prϋma de la prucesiù del Vendardì Sant, iè ‘ndac’ a róbaà ‘n oca, e òl prevet i la piacada sóta a la tonega.

‘ntat ca iera rèet a fàa la prucesiù al se lagàt sǜ ‘n vèet ca gh’a ólsàat sǜ la vesta al prevet, ilura òl sacrista al sé mes rèet a cantàa:

-tira gió ‘l tentaberi cal te vazza gió l’oca pronobis.

- hai fatto bene a parlarmi in virgola che il popolo non capisce, ROBA PRONOBIS.

Parasciöla (<--clicca per audio)

La parasciöla la fa iscé a cantàa:

sa ‘l verom non me ciapés e ‘l levertìis non me lighés,

dormarìs fin ciar ciar ciarìsem.

Pater del póorèt (<--clicca per audio)

Patèr Nostèr, cadena de fer, paröl de ram, murìi da la fam.

Puncera (<--clicca per audio)

I punceràsch ‘na ólta ai maiava i càa.

quanca i sunava li campani par festa la de Puncèra, chi di òtri paes i è schersava iscè:

Betìn, Puzùn e Cincèra,

melìn, melùn, Puncera,

diman la nosa festa,

Trìi cagnìn e ‘n càa.

Ranzai (<--clicca per audio)

‘na femma de Puncera ntáat ca l’era reet a crumpàa i ranzai la ga dic’ al macelar:

-al me trati bèe ne scior, come ‘ncöo so ‘ngnüda a l’ann pasáat

Rock and roll (<--clicca per audio)

Roch en rool itè al Faet a fa sǜ bót, quarto dui e trìi scersciù e la bót l’è facia sǜ.

òl Roch l’era ‘n legnamer de Faet cal fava sǜ li bót.

Sindec d’Albosaggia (<--clicca per audio)

In om che betegava l’a ‘ncuntrat ol sindech e ‘l ga dic’:

-Ah a sa si a sasii üu ol sindech d’Albosagia ,Va cu va cu vacunusevi pü, a sa sii a asaìi ignüt gras!

Sondrio (<--clicca per audio)

En venet al pasava par la periferia de Sondri, ca fina ilura la gheva ‘n otro nom.

Al ghè ‘ngnüut presa de fàla e al se piacàat deret an cerfói par fa ‘l so besógn, ntàat l’e pasàat ‘notro géet e al gha domandáat chel ca l’era réet a fàa. Ol venet al gha respundüut:

" Son drio .."

Da chel moméet la cità la se ciama Sondrio