La lüna lè ca 'na formagia
di Paolo Piani
LA LUNA LÈ CA ‘NA FORMAGIA
La luna lè ca ‘na formagia; 1)
tignifol a mèet , paesàa d’Albosagia:
chel ca sintìi en televisiù,
l’è noma paroli de ‘n gran striù!
…
Vardée ca li luganéghi li fa màal,
sopratut sa ‘n maiée en quintàal;
sènsa parlàa di cudighìi … :
i-è pòoc meno che asasìi!
Rost, less e biancostàat,
chi ne usa, ai se mai salvàat!
Chest i-à dic’ de Ginevra i profesurù, 2)
che studia la salut de la popolaziù!
I-à ripetùut chi de Bruxel: 3)
maiée cagnù ca i vè fa bel! 4)
Ansi, sa maiée anca saiòc’, 5)
starée bée da ‘l dì e de nòc’!
Ma forse a-i ghéva rèsù i nòs de ‘n bòt: 6)
tròp, al fa maal anca ‘l pancòt!
E ilura mi ca sӧo en póor Bosàc’,
mangi carna e po’ anca formac’!
Albosaggia, Novembre 2015 Paolo Piani
NOTE
1) L’è ca: non è
2) L'Organizzazione mondiale della sanità (OMS) , Agenzia speciale dell'ONU per la salute, è stata fondata il 22 luglio 1946 ed entrata in vigore il 7 aprile 1948 con sede a Ginevra.
3) Insetti e larve in tavola: primo via libera dall’Europa – ottobre 2015
4) Cagnù: larve
5) Saioc’: cavallette
6) i nos de ‘n bot: i nostri di una volta, i nostri avi, le persone anziane