Embedded Files
Substantzia kimikoen arriskuaren deskribapenerako erabiltzen diren sinboloak arrisku-marka finkoetara lotuta daude (E, O, C, F, F+, T, T+, Xn, Xi, N) eta horietako bakoitzak hurrengo piktograma du. Era honetan, produktu kimikoa erabiltzera doan pertsonak substantzia horren zenbait ezaugarri ezagutuko ditu etiketa begiratze hutsarekin.
E Explosive (lehergarria)
O Oxidising (oxidatzaile)
C Corrosive (korrosiboa)
F Flammable (sukoia)
F+ Extremely flammable (oso sukoia)
T Toxic (toxikoa)
T+ Very Toxic (oso toxikoa)
Xn Harmful (kaltegarria)
Xi Irritant (narritagarri)
N Environment (ingurugiroarentzat kaltegarria)
- Lehergarriak: suarekin eztanda egin dezakete.
- Oxidatzaileak: substantzia batzuekin, suharberekin bereziki, kontaktuan ipintzean oso erreakzio exotermikoak ematen dituzte.
- Sukoiak: hauek dira:
- Giro tenperaturan, airearen eta energiarik jaso gabe erraz berotu edo su hartzen dute.
- Egoera likidoan eta 0ºC-21ºC tenperatura tartean su hartzen dute.
- Su iturri bat gertatzerakoan sua erraz hartzen dute. Su iturria urruntzean sutan jarraituko dute.
- Aireko giro presioan su har dezakete.
- Urarekin edo aire hezearekin kontaktuan daudenean, gas nahiko suharberak (kantitate arriskutsuetan) aska ditzakete.
- Oso sukoiak: 0ºC azpiko tenperaturatan su hartzen dute eta irakite puntua 35ºC-koa edo baxuagoa dute.
- Narritagarriak: azal eta mukosekin bat-bateko kontaktuan, behin eta berriro edo luzaroan jarriz gero, korrosiboak ez badira ere, kalteak eragingo dituzte.
- Toxikoak eta oso toxikoak: arnastu, irentsi edo azalean barrena sartuz gero, oso ondorio arriskutsuak dakartzate. Heriotza ere eragin dezakete.
- Kaltegarriak: arnastu, irentsi eta azalean barrena sartzeak ekar ditzakeen kalteak mugatuagoak dira.
- Korrosiboak: ehun biziekin kontaktuan jarriz gero, erabat suntsi ditzakete.
Substantzia askok arrisku seinalerik behar ez duten arren, kontuz erabili behar dira, bidezko arretak hartuz.
Lotura interesgarriak
100cia Química - Laboratorio Pictogramas en el etiquetado de productos químicos
Google Sites
Report abuse