Formula motak

Formulak ikurren bitartez idazten diren konposatu kimikoen adierazpenak dira.

Substantzia kimiko baten formula honela dago osatuta: osatzen duten elementuen ikurrez eta azpiindizeez.

Molekulatan azpiindezeek atomo-kopurua adierazten dute eta kristaletan ioi- edo atomo-proportzioa.

Formula mota desberdinak daude:

FORMULA ENPIRIKOA: molekula osatzen duten elementuak adierazten ditu eta proportzioa.

Konposatu ionikoen eta solido kobalenteen formula da. Sustantzia horiek ioi edo atomoen arteko egitura kristalinoak eratzen dituzte. Formulak, beraz, konposatua osatzen duten elementuen atomoen arteko konbinazioaren proportzio erlatiboa (minimoa) adierazten du.

FORMULA MOLEKULARRA: atomo kopurua adierazten du.

Partikula askeak edo molekulak dituzten konposatuen formula da. Molekula osatzen duten elementuen ikurrek eta mota bakoitzeko atomo kopurua zein den adierazten duten azpindizeek eratzen dute formula hau.

FORMULA GARATUA ETA ERDIGARATUA: grafikoki adierazten du molekularen atomoak nola dauden lotuta.

Molekulak zein atomoak eta zenbatek osatzen duten adierazten du, eta molekularen atomo guztien edo batzuen arteko-lotura tipoa ere. Egitura molekularra hobeto adierazteko, Lewis-en diagrama elektronikoak erabiltzen dira.

Adibidez: etenoaren formula enpirikoa, molekularra, garatua eta erdigaratua

EGITURAZKO FORMULA: atomoen banaketa espazioan, loturaren geometria erakutsiz.

Adibidez: ziklohexanoaren formula molekularra, erdigaratua eta egiturazkoa.