Hidrogenoaren konbinazio bitarrak

Hidrogenoaren eta beste edozein elementuren arteko konbinazio bitarrak dira.

Hidrogenoak balentzia bakarra du (1s1) eta elektroi bat hartuz edo konpartituz (1s2) lotura era dezake.

Beraz, hidrogenoaren oxidazio zenbakia +1 edo -1 izan daiteke.

Hidrogenoarekin lotzen den elementuaren arabera, hidruro mota desberdinak daude:

• HIDRURO METALIKOAK

• HIDRURO GURASOAK (hidruro hegazkorrak)

• HIDROGENO-HALUROAK (17. taldea) eta ANFIGENUROAK (16. taldea)

• AZIDO HIDRAZIDOAK

HIDRURO METALIKOAK

Hidrogenoaren eta metal baten arteko konbinazioak dira.

Formulazioa: formulatzean, lehenengo metala idazten da eta ondoren hidrogenoa; balentziak trukatzen dira eta, posiblea denean, sinplifikatu egiten dira. Metalak balentzia positiboak eta hidrogenoak -1.

Nomenklatura: izendatzean IUPAC-en arauak jarraitzen dira, hidruro izenarekin.

HIDRURO EZ-METALIKOAK edo HIDRURO GURASOAK (hidruro hegazkorrak)

Formulazioa: formulatzean, lehenengo ez-metala idazten da eta ondoren hidrogenoa. Ez metalek bere oinarrizko balentzia negatiboa soilik erabiltzen dute eta hidrogenoak +1.

Nomenklatura: izendatzean, IUPAC-en arauak jarraituz izendatzen dira, hidruro izenarekin. Hala ere, gehienak izen tradizionalak dituzte, IUPAC-ek onartutakoak.

HIDROGENO-HALUROAK eta ANFIGENUROAK

Formulazioa: formulatzean, lehenengo hidrogenoa jartzen da eta gero ez-metala bere oinarrizko balentziarekin, ez metalek balentzia negatiboa eta hidrogenoak +1.

Nomenklatura: izendatzean, lehenengo hidrogeno hitza idazten da eta ondoren ez-metalaren izena uro bukaerarekin. Aurrizki egokiak ere jarriko dira ez-metalaren balentziaren arabera.

AZIDO HIDRAZIDOAK

Ur-disoluzioan, izaera azidoa dute (ionizatu edo disoziatu egiten dira) eta horregatik azido hidrazido esaten zaie.

Orduan azido hitzarekin izendatzen dira; ondoren ez-metalaren izena idazten da hidriko bukaerarekin.

Konposatua ur disoluzioan dagoela adierazteko, parentesi artean ak (akuosoa) jartzen da.