VOCABULARIO:

XENOFOBIA: rexeitamento ou medo aos estranxeiros.

SALDO MIGRATORIO: é o balance entre a inmigración e a emigración (inmigrantes menos emigrantes). Si o resultado é positivo indica inmigración e si é negativo, emigración. Desde mediados do século XIX ata a crise de 1975 España foi un país emigratorio; a partir de entón a emigración reduciuse drasticamente e desde fai algúns anos está recibindo un volume importante de inmigrantes.

EMIGRACIÓN: cambio de residencia dun lugar a outro, sexa temporal ou definitivamente. Pode ser interior e exterior (estranxeiro). Os motivos para abandonar un país poden ser de diversa índole: relixiosos, políticos, raciais, económicos, etc

INMIGRACIÓN: é a chegada de poboación a un lugar de destino. Os motivos da chegada desta poboación pode ser, entre outros,  pola falta de traballo ou persecucións políticas e relixiosas nos seus lugares de orixe.   En España, as rexións tradicionalmente inmigratorias foron as máis industrializadas (País Vasco, Cataluña e Madrid) e as máis afectadas polo turismo (as do litoral mediterráneo e as illas). Actualmente España é tamén lugar de destino para un crecente número de inmigrantes europeos, norteafricanos e sudamericanos.

PATERA: embarcación pequena usada para o transporte de inmigrantes ilegais.

EXERCICIO Nº4. A NOSA FAMILIA E A EMIGRACIÓN

Fai unha pequena entrevista ou relato sobre un exemplo de emigración na túa familia. O esquema que deberás seguir para a realización deste pequeno traballo será o seguinte:

• A que país ou rexión de España emigraron os teus parentes.

• Causa da súa partida

• Que razóns os levou a ir a ese país ou rexión e non a outros lugares.

• En que traballaron.

• Como resultou esta experiencia, anéctotas.

• Volveron, quedáron. As razóns da súa decisión.

• Relación con outros emigrantes.

Non é necesario responder a todas as preguntas e podemos estar abertos a outras que se nos ocorran.