HOPLITA: soldado grego de infantería armado con escudo, casco, coraza, espada e lanza. Os hoplitas eran cidadáns acomodados que debían costearse o seu equipo militar.

AGORA: gran espazo aberto, praza maior das cidades gregas, onde se reunían os cidadáns. Nesta praza se decidían as cuestións de goberno e se atopaban os edificios administrativos mais importantes. Tamén se podían celebrar mercados.

XONIA: terras de cultura grega que corresponden coa costa occidental de Asia  Menor, con cidades como *Éfeso ou  Mileto, berce da filosofía grega. Actualmente este territorio pertence en gran parte a Turquía 

COLONIA: cidade fundada por unha polis fora do espazo  helénico por intereses comerciais ou estratéxicos. Os colonos vivían da agricultura, da pesca e do comercio cos poboados indíxenas e coa metrópole.  Rhode e  Emporión foron dúas colonias gregas fundadas na Península Ibérica. 

ILOTAS: eran a denominación que recibían os escravos en Esparta. Supostamente eran descendentes dos pobos vencidos, e non se lles recoñecía dereito algún. Eran propiedade do Estado, que os asignaba aos  esparciatas (casta guerrera espartana) para que traballasen as súas terras. Se era necesario, tamén podían ser mobilizados polo exército. En xeral, vivían en condicións miserables e sometidos a unha intensa explotación laboral o que comportou o estalido de revoltas frecuentes.

MITOS: son relatos tradicionais, de transmisión oral, que explican feitos como a orixe do mundo ou do ser humano, ou ben dos fenómenos naturais, a técnica ou a organización social. Os mitos sitúanse nun tempo afastado e fabuloso, e neles interveñen deuses, forzas da natureza ou seres extraordinarios chamados heroes. 

ORÁCULOS: recintos sagrados onde as persoas acudían a consultar os deuses. As mensaxes dos deuses eran enigmáticas e as pitias ou sibilas interpretábanas. Un dos máis famosos foi o Oráculo de Delfos.

XOGOS OLÍMPICOS: celebración relixiosa e deportiva en honor ao deus Zeus e tiñan lugar na cidade de Olimpia. Convocábanse cada catro anos e a súa celebración era tan importante que os gregos decretaban unha tregua en calquera guerra. Calquera grego podía participar nos xogos, menos as mulleres, coa condición de que fose cidadán e falase grego.

CRÁTERA: en Grecia e Roma, vaso grande e ancho onde o viño mesturábase con auga e especias. Estaban decoradas con escenas mitolóxicas e da vida cotiá. Na rexión de Ática, esta e os demais tipos de vasos, presentaban dúas tipoloxías: as de figuras negras sobre fondo claro e as de figuras vermellas sobre fondo escuro.

ENÓCOE. Recipiente para servir bebida.