8. MESOPOTAMIA

VOCABULARIO

1. Escritura cuneiforme: primeiro sistema de escritura da historia. Facíase sobre taboíñas de arxila. Os signos tiñan forma de cuña. Servía para rexistrar leis, contas e relatos. Foi creada polos sumerios arredor do 3500 a.C.

2. Código de Hammurabi: foi un dos primeiros códigos de leis escritos. Estaba gravado nunha estela de pedra. Regulaba castigos e normas sociais.
Aplicaba a lei do “ollo por ollo”.

3. Estela: pedra vertical con inscricións gravadas. Servía para escribir leis ou feitos importantes. A máis famosa é a do Código de Hammurabi. Facía públicas as normas.

4. Toros alados: esculturas monumentais asirias. Tiñan corpo de touro, ás de aguia e cabeza humana. Colocábanse nas entradas dos palacios.
Simbolizaban protección e poder.

5. Zigurat: templo en forma de pirámide escalonada. Situábase no centro da cidade. Estaba dedicado ao deus protector. Na parte superior había un santuario. Simbolizaba o poder relixioso e político.

6. Sumerios: pobo máis antigo de Mesopotamia. Fundaron cidades como Ur ou Uruk. Inventaron a escritura cuneiforme. Desenvolveron a agricultura de regadío.

7. Adobe: material de construción elaborado con barro mesturado con palla e secado ao sol. Foi o principal material empregado en Mesopotamia debido á escaseza de pedra e madeira. Permitía construír murallas, casas e mesmo templos. O uso do adobe explica por que moitas construcións mesopotámicas non se conservaron ben, xa que este material é menos resistente ca a pedra.

8. Cerámica vidriada: é aquela que recibe un revestimento vitrificado ao cocerse a alta temperatura. Este proceso dá á superficie un acabado brillante e impermeable. En Mesopotamia empregouse especialmente con fins decorativos e monumentais. Permitía incorporar cores intensas como azul, verde ou amarelo. Como exemplo destacado temos a Porta de Ishtar de Babilonia (século VI a.C.) que estaba decorada con ladrillos de cerámica vidriada azul con representacións de touros e dragóns en relevo.

BIOGRAFÍAS

9. Asurbanipal: rei asirio do século VII a.C. É coñecido pola súa gran biblioteca en Nínive. Reuniu miles de textos escritos en taboíñas. Fomentou a cultura e o saber. Grazas a el conservamos obras antigas importantes.

10. Nabucodonosor II: rei de Babilonia no século VI a.C. Fortaleceu o Imperio neobabilónico. Embeleceu a cidade de Babilonia. A tradición atribúelle os Xardíns Colgantes.