1. DEFORESTACIÓN. Destrución ou desaparición dun bosque por causas diversas entre as que poden estar a curta de árbores, os incendios forestais, ataques de pragas, etc. A deforestación dá lugar frecuentemente a unha intensa erosión dos chans ou unha pérdida da biodiversidade.

2. DESERTIZACIÓN. Problema ambiental que se caracteriza pola perda da cuberta vegetal e a desaparición e degradación dos chans. Afecta a boa parte do territorio español, costa mediterránea e zonas do interior fundamentalmente. 

3. TRATADO ANTÁRTICO. Acordo asinado en Washington en 1959 cuxo principal obxectivo é asegurar en interese de toda a humanidade, que a Antártida continúe a utilizarse sempre exclusivamente para fins pacíficos e a investigación científica, e que non chegue a ser escenario ou obxecto de discordia internacional.

4. AGRICULTURA DE PLANTACIÓN. Tipo de agricultura practicada na zona de clima tropical en grandes extensións dedicada o cultivo de cacao, café, cana de azucre, té, tabaco, piña, etc. En ocasións estas plantación modificaron totalmente a vexetación, a agricultura e a paisaxe tradicionais. Estas plantacións pertencen polo xeral a compañías estranxeiras que se encargan de  exportar a produción a Europa e América do Norte.

5. SABANA. Formación vexetal característica da zona tropical, formada por herbas e arbustos. As árbores son escasas e aparecen en pequenos grupos ou espalladas no medio da chaira. Entre as árbores destacan as acacias e os baobabs. Na sabana, dada a abundancia de herbas altas e arbustos, viven moitos animais herbívoros: elefantes, rinocerontes, gacelas, cebras... e os seus depredadores: leóns, hienas, guepardos...

6. OASIS. Lugar con vexetación e con auga, que se atopa illado nos desertos arenosos de África e Asia

7. SELVA. Formación vexetal de zonas próximas o ecuador donde as altas temperaturas e as precipitacións abundantes xeran unha vexetación exuberante, con numerosas especies vexetais. Abundan as árbores altas que se desenvolven buscando a luz, así como numerosos arbustos, herbas e flores. Entre as árbores destacan o ébano e a caoba. A fauna está composta por paxaros, réptile e insectos, ademais de mamíferos. Os animais que habitan a selva adoitan ser de pequeno tamaño.

8. ESTACIÓN HÚMIDA. É unha das estacións nas que se divide o clima tropical e que coincide co verán. Nesta época os ríos experimentan grandes crecidas ou enchentes que en ocasións poden provocar inundacións. Durante esta estación a vexetación permanece verde e vizosa.

9. ROTACIÓN DE CULTIVOS. Técnica agrícola que consiste en alternar plantas de diferentes familias e con necesidades distintas nun mesmo lugar. Deste xeito evítase que o solo se esgote.

10. BOSQUE CADUCIFOLIO. Ecosistema forestal formado por árbores que perder as súas follas no outono para adaptarse ás estacións frías ou secas. Estes bosques teñen unha gran diversidade de especies vexetais e animais con estratos (niveles) diferenciados: copa, sotobosque e herbáceas. O chan adoita ser fértil debido á descomposición das follas caídas e típicos das zonas temperadas con estacións ben definidas. 

Nº3 VIDEO