1.- DENSIDADE DE POBOACIÓN: é a relación entre a poboación total dunha área e a súa superficie. Expresase normalmente en habitantes por quilómetro cadrado (hab/km2 ). Desta maneira considérase que un territorio está moi pouco poboado cando a súa densidade é inferior a 10 hab. /km2, e moi poboado si supera os 100 hab/km2. En España as maiores densidades atópanse na costa e Madrid, e as menores no interior.

2.- PADRÓN MUNICIPAL: relación dos habitantes dun municipio onde figura como información básica o nome, apelidos e domicilio destes. Vai acompañada dunha serie de datos particulares de cada habitante: sexo, data e lugar de nacemento, nivel de instrución, estado civil, profesión, parentesco e relación co cabeza de familia, e o tempo de residencia no Municipio

3.- TAXA DE FECUNDIDADE: número de nados vivos por cada 1000 mulleres en idade de procrear (15-49 anos). Calcúlase multiplicando os nacementos dun ano por 1000 e dividíndoos polo número de mulleres entre 15 e 49 anos. A taxa española está tamén entre as máis baixas do mundo, debido ao brusco descenso dos nacementos desde 1975.

4.- PIRÁMIDE DE POBOACIÓN: representación gráfica da poboación dun lugar, segundo a idade e o sexo nun momento determinado. Poden ter forma triangular si a poboación é nova, como sucede nos países subdesenvolvidos;  de oxiva, si a poboación é fundamentalmente adulta; ou de urna, si a poboación está avellentada, como sucede nos países ricos.

5.- POLÍTICAS DEMOGRÁFICAS: conxunto de medidas que adoptan os Estados para influir na natalidade, fluxos migratorios etc. En ocasións pódense por en funcionamento políticas antinatalistas para frear o crecemento da poboación (política do fillo único en China), e noutras, políticas natalistas para evitar a perda de poboación ou o avellentamento da mesma, como sucede nos países desenvolvidos.

6.-TRANSICIÓN DEMOGRÁFICA: período da historia demográfica, caracterizada por unha lixeira diminuciòn da taxa de natalidade e un rápido descenso na taxa de mortalidade (avances medicos, mellora do nivel de vida), o que provoca un elevado crecemento natural da poboación. En España comeza nos primeiros anos do século XX e remata nos setenta co afundimento da natalidade e dando lugar o réxime demográfico moderno.

7.- REFUXIADO: persoa que por causa dunha guerra, cambio político, razóns de raza, relixión ou ideoloxía contraria ó goberno do seu país procura asilo noutro país diferente.

8.- POBOACIÓN ACTIVA: fórmana todas as persoas ocupadas que se dedican á produción de bens e de servizos e tamén as persoas que se atopan en paro ou que buscan traballo por primeira vez.

9.- POBOACIÓN INACTIVA: é aquela que non realiza un traballo remunerado nin está dispoñible para desempeñalo. Inclúe estudantes, xubilados, persoas dedicadas aos labores do fogar, rendistas e persoas incapacitadas para traballar.

10.- ESPERANZA DE VIDA: refírese ao número de anos que se espera que viva, de media, unha persoa. Varía segundo o sexo pois as mulleres adoitan ter unha maior esperanza de vida que os homes. A mellora das condicións de vida, os avances na medicina e as medidas sanitarias e hixiénicas permitiron que este indicador medre nos últimos anos.

13) Dados estes datos da provincia de Pontevedra no ano 2004. Calcula o crecemento natural, densidade de poboación, taxa de natalidade e taxas de mortalidade.

• Superficie: 4.494 km2            -

• Nacementos: 8.145

• Defuncións:    8.021

• Poboación: 930.931

14) Dados estes datos da provincia de Ourense no ano 2004. Calcula o crecemento natural, densidade de poboación, taxa de natalidade e taxas de mortalidade.

• Superficie: 7.273 km2

• Nacementos: 1.890

• Defuncións:4.307

• Poboación: 340.258

15) A que pode ser debido esta diferencia nos resultados, cando falamos de dúas provincias próximas? 

As gráficas son formas de representación de series de datos. Utilízanse para facilita-la visión de conxunto do feito representado. As gráficas máis utilizados son: de barras, de liñas ou de sectores

16) Representa mediante un gráfico de barras a esperanza de vida nos seguintes países (2019). A continuación responde as preguntas.

• ESPAÑA 83

• SUECIA 82,4

• ESTADOS UNIDOS 78,5

• ANGOLA 38,2

• SUDÁFRICA 48,9

• ECUADOR 75,3

  • • • • • • • • Dos datos representados en que continente a esperanza de vida é menor?

                • A que pode ser debido estas diferenzas?

a) Que forma ten esta pirámide?

b) Que características presenta a poboación reflectida nesta pirámide?

c) Que forma presentan as pirámides nos países pobres?

d) Comezando por abaixo en que barra te situarías?