گوتنێت باب وبابکالان، پێشیان، پیرمەندان وبیرمەندان گرنگترین بەرهەمێ رەوشەنبیریێ یە وزانینێ یە یێ بو هاتی ژزاری بو زاری وجهێ خۆ کری دمێشکێ مەدا وکەتیە سەر زمانێ روژانە ل دەمێ پەیڤینێ وئاخڤتنێ کو بویە خودیکا رون ورەوان بو دارێژتنا بیر وباوەران، رەوش ورەوشتان چنکی ئەڤە دکەڤنە دناڤ شەرگەهێ ژیانێ ودبنە کارتێکەر ل سەر زور تەرزێت دی دناڤ جڤاکی. مەبەست ورامانێت گوتنێ دمشەنە وگەلەکن وهندی لێکولینەر پێدابچیت وخۆ داهێلیت تێدا دێ تێدا بەزەبیت، ڤێجا دڤێت نقوکەرێ گوتنێ یێ زانا وتێ گەهشتیبیت دا کو ب کاریت مژارێت وان بەرچاڤکەت ورونکەت وب شێوەکێ جوان دیارکەت.
ل دیف هێز وشیانێت خۆ من یێ هەلدای ڤان مژارێت گرنگ بینمە دەر وشروڤەکەم وهەر وەسا من بزاڤا کری ودێ کەم دا سود قازانج ب گەهیتە خویندەڤانێ هێژا. ڤێجا ژبەر هەمەرەنگیا مالپەری من ڤاڤێرکرن دبن ڤان تەرز وجوینان وەک: بابەت، گوتار، دەڤوک، جیوازی، سەربور، رونکرن هتد... چنکی ئەڤە هەمی پێگڤە دناڤ ئێک تێکشێلاینە، ب ناڤ ئێک راچاندینە. هیڤیدارم جهێ مفایێ بیت.
٢٠٢٦ – ئەحمەد عەلی حەسەن