Einstaklingar geta fengið kynsjúkdóma eftir að stundað hefur verið kynlíf með einstaklingi sem er smitaður af kynsjúkdómi en til eru leiðir til að minnka áhættuna á að fá kynsjúkdóma.

Markmiðin á bak við lykilhugmyndina eru að nemandi geti :

• tilgreint algengustu kynsjúkdómana (t.d. HIV, HPV veiran, herpes, klamydía og lekandi).

• lýst því að HIV smitast ekki með daglegri snertingu (t.d. handabandi, faðmlögum eða drekka úr sama glasi).

HIV er vírus sem smitast á margvíslegan máta, þar á meðal í óvörðu kynlífi með HIV smituðum einstaklingi.

Markmiðin á bak við lykilhugmyndina eru að nemandi geti :

• lýst þeim leiðum sem HIV getur smitast með (t.d. óvörðum kynmökum, blóðgjöf, sprautum, meðgöngu og við brjóstagjöf).

• sagt frá því að flestir sem smitast af HIV er við óvarin kynmök við HIV smitaðan einstakling.

Það eru leiðir sem fólk getur farið til að minnka líkurnar á því að fá kynsjúkdóm.

Markmiðin á bak við lykilhugmyndina eru að nemandi geti :

• lýst þeim leiðum sem hægt er að fara til minnka líkurnar á því að smitast eða smita aðra af kynsjúkdómi (t.d. smokkurinn eða töfrateppið og PREP lyf til að sporna við HIV).

• tilgreint hvernig rétt notkun á smokkinum er.

• sagt frá því hvenær HPV bólusetningin er gefin og hver tilgangur hennar sé.

• leikið eftir eða sýnt fram á samskipti, samræðu og neitunarhæfni þegar einstaklingur verður fyrir óvelkomnum þrýstingi til kynferðislegra athafna eða þrýstingi til að sleppa kynsjúkdóma- og getnaðarvörnum.

Kynsjúkdómapróf er eina leiðin til að komast að því hvort að einstaklingur sé með kynsjúkdóm. Til er meðferð við flestum kynsjúkdómum.

Markmiðin á bak við lykilhugmyndina eru að nemandi geti :

• sagt frá hvað felist í kynsjúkdómaprófum og helstu meðferðum sem til eru gegn þeim.

• lýst því hvernig hægt sé að styðja einstakling sem vill fara í kynsjúkdómapróf.

• greint frá mikilvægi þess að stuðla að öruggu og styðjandi umhverfi fyrir þá sem vilja fara í kynsjúkdómapróf.

• sagt frá hvert sé hægt að leita til að fara í kynsjúkdómapróf.