5.- 7. bekkur
Samskipti og sambönd
Foreldrar/forráðamenn og aðrir fjölskyldumeðlimir aðstoða börn í að tileinka sér gildi ásamt því að leiðbeina og styðja við ákvarðanir barnanna.
Fjölskyldur geta ýtt undir jafnrétti kynjanna í gegnum eigin hlutverk og ábyrgðarhlutverk.
Heilsufar og sjúkdómar geta haft áhrif á fjölskyldur með tilliti til uppbyggingar, getu og ábyrgðar.
Vinátta, ást og rómantísk sambönd
Vinátta og ást lætur einstaklingum líða vel með eigið sjálf.
Vináttu og ást má tjá á annan hátt þegar barn fullorðnast.
Ójafnræði innan sambanda getur haft neikvæð áhrif samböndin.
Mismunun og fordómar eru skaðlegir.
Það er óheiðarlegt og skaðlegt að áreita eða leggja einhvern í einelti sem er byggt á samfélagsri, fjárhagslegri eða heilsufarslegri stöðu, uppruna, kynþætti, kynferði eða kynhneigð eða öðrum þáttum.
Skuldbinding og foreldrahlutverkið
Barnagiftingar eru skaðlegar og gegn lögum í flestum löndum heimsins.
Langtíma sambönd, brúðkaup og foreldrahlutverkið eru margvísleg og eru mótuð af samfélagi, trú, menningu og lögum.
Menning og kynjahlutverk hafa áhrif á uppeldi.
Gildi, réttindi, menning og kynferði
Gildi og framkoma sem við lærum af fjölskyldu og samfélögum er uppspretta þess sem við lærum um kyn, kynferði og kynhneigð og hafa áhrif á okkar persónulegu hegðun og ákvarðanatöku.
Það er mikilvægt að þekkja eigin réttindi og mannréttindi ásamt því hvernig þau réttindi eru sett fram í lögum landsins og alþjóðlegum sáttmálum.
Menning, trú og samfélagsleg gildi hafa áhrif eigin skilning á kynferðislegum málefnum.
að skilja kyn, kynímyndir og kynhlutverk
Samfélagsleg kyn og kynjaviðhorf
Samfélagsleg og menningarleg viðhorf ásamt trúarbrögðum eru allt þættir sem hafa áhrif á kynjahlutverk.
Það hvernig einstaklingur sér sjálfan sig eða lýsir sjálfum sér fyrir öðrum hvað varðar eigin kynvitund er einstaklingsbundið og ber að virða.
Jafnrétti kynjanna, staðalímyndir og fordómar
Kynjamisrétti og valdaójafnvægi á sér stað innan fjölskyldna, vina, sambanda, nærsamfélags og menningarheims.
Staðalímyndir um kyn og kynhneigðir geta valdið misrétti og ójafnræðis.
Allar birtingarmyndir kynbundins ofbeldis eru brot á mannréttindum og er ekki ásættanleg hegðun.
Staðalímyndir kynja getur verið orsök að ofbeldi og misrétti.
öryggi og ofbeldi
Kynferðislegt ofbeldi, kynferðisleg áreitni og einelti (einnig net-einelti) hefur skaðleg áhrif á einstaklinginn og það er mikilvægt að leita aðstoðar ef maður verður fyrir slíku.
Ofbeldi í nánu sambandi er aldrei réttlætanlegt og það er mikilvægt að leita aðstoðar ef maður verður vitni að slíku.
Það er mikilvægt að átta sig á því hvað óvelkomin kynferðisleg athygli er og mikilvægi einkalífsins eykst eftir því sem maður eldist.
Örugg notkun upplýsinga og samfélagsmiðla
Internetið og samfélagsmiðlar krefjast ákveðinnar varúðar og nærgætni.
Kynferðislegt myndefni má nálgast á auðveldan hátt í gegnujm samfélagsmiðla og geta ýtt undir skaðlegar staðalímyndir fyrir kynin.
heilsa og velferð
Venjur og áhrif jafningja á kynhegðun
Jafningjar og vinir geta haft áhrif á ákvarðanir og hegðun í tengslum við kynhegðun.
Það eru leiðir sem hægt er að fara til að standast neikvæðan hópþrýsting og til að stuðla að jákvæðum jafningjaáhrifum í tengslum við kynhegðun.
Ákvarðanataka er hæfni sem hægt er að læra og æfa sig í.
Það er margt sem getur haft áhrif á okkar eigin ákvarðanir, þar á meðal fjölskylda, menning, staðalímyndir kynja, jafningjar, áhrifavaldar og hinir ýmsu miðlar.
Samskipti, synjun og samningafærni
Skilvirk samskipti felst í margvíslegum leiðum og aðferðum og eru mikilvæg þegar þegar kemur að því að tjá sig og skilja óskir, þarfir og persónuleg mörk.
Miðlar geta haft bæði jákvæð og neikvæð áhrif á gildi og viðhorf einstaklinga gagnvart kynvitund, kyngervi og kyntjáningu.
Að leita aðstoðar og stuðnings
Það eru til margvíslegar leiðir sem hægt er að fara til að leita aðstoðar og stuðnings.
Mannslíkaminn og þroski
Allir hafa kyn- og æxlunarfæri og það er algengt að börn hafi spurningar um þau.
Líkami kvenna getur losað egg á tíðarhring þeirra og líkami karla útbýr sæði sem losnar með sáðláti. Báðir þessir atburðir eru mikilvægir fyrir æxlun og frjóvgun.
Til að meðganga geti hafist þarf sáðfruma að frjóvga egg, og frjóvgað eggið að taka sér bólfestu í legi konunnar.
Tíðarhringur kvenna skiptist í mismunandi stig, þar á meðal tímann þegar egglos á sér stað. Á þeim tímapunkti, ef sæði er til staðar, er líklegast að frjóvgun eigi sér stað.
Það eru nokkur algeng einkenni sem gefa til kynna að kona sé þunguð en mikilvægt er að staðfesta þann grun með þungunarprófi ef blæðingar ættu að vera hafnar.
Kynþroski er merki breytinga á getu einstaklings til að fjölga sér.
Á meðan kynþroska stendur er mikilvægt að huga að hreinlæti og heilbrigði kynfæranna.
Að fara á blæðingar er eðlilegur og náttúrulegur þáttur þeirra líkamlegu breytinga sem stúlkur upplifa á kynþroskaskeiðinu.
Á kynþroskaskeiðinu geta ungmenni upplifað ýmis líkamleg viðbrögð (t.d. ris á hinum ýmsu tímum dags, blautir draumar og kynferðislegar hugsanir).
LíkamsímLíkamsímyndynd
Líkami einstaklinga skilgreinir ekki virði þeirra sem mannveru.
Það er mikil fjölbreytni í því hvað einstaklingum finnst aðlaðandi í líkamlegu útliti annarra einstaklinga.
Kynferði og kynferðisleg hegðun
Kyn, kynhneigð og kynferðisleg tjáning
Einstaklingar fæðast með getu til að njóta eigin kynhneigðar og kynhegðunar í gegnum lífið.
Það er eðlilegt að vera forvitinn um kynhneigð og mikilvægt að geta spurt fullorðinn einstakling, sem maður treystir, spurninga er varðar efnið.
Kynferðisleg viðbrögð og hegðun
Einstaklingar geta brugðist líkamlega við kynferðislegri örvun (bæði líkamlegri og andlegri örvun).
Það er mikilvægt að geta tekið upplýstar ákvarðanir er snúa að kynferðislegri hegðun, þar á meðal ákvörðun sem snýr að því hvenær einstaklingur verður kynferðislega virkur.
Kynlíf, kynheilbrigði og æxlun
Meðganga og getnaðarvarnir
Það er mikilvægt að þekkja meginatriði þungunar og meðgöngu.
Getnaðarvarnir nútímans geta hjálpað einstaklingum við að koma í veg fyrir eða skipuleggja barneignir.
Kynjahlutverk og hugmyndir meðal jafningja geta haft áhrif ákvörðun einstaklinga á notkun getnaðarvarna.
HIV og alnæmi; fordómar, meðhöndlun og stuðningur
Það er mikilvægt fyrir einstaklinga sem lifa með HIV að þeir geti talað um eigin stöðu og líf með HIV í öruggu og styðjandi umhverfi.
Einstaklingur sem lifir með HIV hefur ákveðna þörf fyrir umhyggju og meðferð, sem í sumum tilfellum hefur ákveðnar aukaverkanir.
HIV og alnæmi (AIDS) hefur áhrif á fjölskyldur (samsetningu þeirra, hlutverk og ábyrgð)
Að skilja, þekkja og minnka áhættu gagnvart kynsjúkdómum
Einstaklingar geta fengið kynsjúkdóma eftir að stundað hefur verið kynlíf með einstaklingi sem er smitaður af kynsjúkdómi en til eru leiðir til að minnka áhættuna á að fá kynsjúkdóma.
HIV er vírus sem smitast á margvíslegan máta, þar á meðal í óvöðru kynlífi með HIV smituðum einstaklingi.
Það eru leiðir sem fólk getur farið til að minnka líkurnar á því að fá kynsjúkdóm.
Kynsjúkdómapróf er eina leiðin til að komast að því hvort að einstaklingur sé með kynsjúkdóm. Til er meðferð við flestum kynsjúkdómum.