ජේ. ඩී. සී. ඉරෝෂන්

01. Alexandrite - පසිංගල්

ස්වාභාවිකව කොළ පැහැයක් ගන්නා අතර සූර්ය ආලෝකයේ දී දම් පැහැයට හුරු රත් පැහැයකින් දිස්වන දුර්ලභ හා මිලෙන් වැඩි මැණික් විශේෂයකි.

02. Andalusite - ගිනි බොකු තෝර

තරමක තද කොළ පැහැයකින් යුක්ත වන අතර දුර්ලභ හා මිලෙන් වැඩි මැණික් විශේෂයකි.

03. Aquamarine - දියතරිප්පු

සුදට හුරු ලා නිල් පැහැයක් ගන්නා, සුලභව හමුවන වටිනාකමින් අඩු මැණික් විශේෂයකි. රජ දවසේ සිට අක්ෂි දෝෂ සඳහා කාච සැකසීමට යොදාගෙන ඇත.

04. Blue Sapphire - නිල් මැණික්

ඉතා තද නිල් පැහැයකින් යුක්ත තරමක් දුර්ලභ හා මිලෙන් වැඩි මැණික් විශේෂයකි. නිල් පැහැගේ තීවෘතාවය අනුව මිල අඩු වැඩිවීම සිදු වෙයි.

05. Moonstone - චන්ද්‍රකාන්ති

චන්ද්‍රයාගේ කිරණ පෘතුවියට ලැබුණු විට මෙම පාෂාණය බිහි වන බව පැරැණ්නන්ගේ මතයයි. වටිනාකමක් නොමැති වුවත් ඉතාම අලංකාරවත් ඉතාම දුර්ලභ මැණික් විශේෂයකි.

06. Sinhalite - පුෂ්පරාග

ඉතා දීප්තිමත් කහ පැහැයකින් යුක්ත වන අතර රත්නපුර අවට සුලභව හමුවන මිලෙන් වැඩි මැණික් විශේෂයකි.

07. Spinel - කිරිංචි

රතු, නිල්, දම් වැනි විවිධ වර්ණ වලින් දක්නට ලැබේ. පතල් කර්මාන්තයේ දී ඉතා සුලභව හමුවන වටිනාකින් අඩු මැණික් විශේෂයකි.

08. Taaffeite - ටාෆයිට්

ඉතාම දුරලභ මිලෙන් ද ඉතා ඉහළ 1945 වර්ෂයේ දී විද්‍යාත්මකව හඳුනා ගත් නිල් දම් මිශ්‍ර වර්ණයකින් යුක්ත මැණික් විශේෂයකි. මෙහි ද්විත්ව වර්ථනාංකයක් ඇති නිසා අධික දීප්තියකින් යුක්ත වෙයි.

09. Topaz - පඩියම්

සුදු කහ මිශ්‍ර වර්ණයකින් යුත් වටිනාකමක් නොමැති මැණික් විශේෂයකි. රසායණික පිලිස්සීම මඟින් එයට තද කහ වර්ණයක් ලබා ගත හැක. ආභරණ නිපදවීම සඳහා යොදා ගනී.

10. Zircon - ජාගුන් / තෝර

කොළ, කහ , දුඹුරු වර්ණ වලින් යුක්ත වන අතර වර්ථන අංකය ඉහළ අගයක් ගන්නා නිසා අධික දීප්තියක් ඇත. වර්ථන අංකය හා දීප්තිමත් බව අනුව මිල තීරණය වෙයි.