ARALIN 4- KAANTASAN NG PANG-URI

•  Natutukoy ang mga kaantasan ng Pang-uri sa pangungusap.

• Napaghahambing ang mga Pang-uri.

• Nakikilala ang mga kaantasan ng Pang-uri.

• Nagagamit nang wasto ang kaantasan ng  Pang-uri sa paglalarawan ng tao, lugar, bagay, at pangyayari sa sarili at sa ibang tao.

•    Natutukoy ang mga kaantasan ng Pang-uri sa pangungusap.

• Napaghahambing ang mga Pang-uri.

• Nakikilala ang mga kaantasan ng Pang-uri.

• Nagagamit nang wasto ang kaantasan ng  Pang-uri sa paglalarawan ng tao, lugar, bagay, at pangyayari sa sarili at sa ibang tao.

  A.        KAANTASAN NG PANG-URI

1. Lantay - kaantasang naglalarawan sa iisang pangngalan o panghalip. Hindi inihahambing ang pangngalan o panghalip sa iba.

   Halimbawa:

       Ang mga gulay ay mabuti sa katawan. 

2.  Pahambing - kaantasang naghahambing sa katangian ng dalawang pangngalan o panghalip. Ang paghahambing ay maaaring maging magkatulad o di magkatulad.

•  Magkatulad - pareho o magkatulad ang katangian ng dalawang bagay na pinaghahambing.

    Halimbawa: 

           Magkasimbuti ang prutas at gulay sa ating katawan. 

•  Di magkatulad-magkaiba o di magkatulad ang katangian ng dalawang bagay na pinaghahambing.

 Halimbawa:

       Mas mabuti ang prutas kaysa matatamis na

           meryenda.

3.  Pasukdol - kaantasang nagsasabi ng katangiang pinakamatindi o nakahihigit sa lahat. Ginagamit ito sa paghahambing ng tatlo o higit pang pangngalan o panghalip. Maaaring magamit sa pasukdol ang mga salita o katagang pinaka-, hari ng, pagka-, napaka-, ubod, walang kasing-, lubha, sakdal.

  Halimbawa:

     Pinakamabuti ang tubig sa katawan kaysa sa alinmang

            inuming may taglay na asukal.

 English:  Degree of Adjectives

  Ang mga mag-aaral ay may gawain na sasagutan pagkatapos ng pagtatalakay.