TRISTE BIZI NAIZ ETA LA SI

Triste bizi naiz eta

hilko banintz hobe

badaukat bihotzian

hainbat atsekabe

Maite bat maitatzen det

bainan haren jabe

sekula izateko

esperantzik gabe (bis)

Bihotz baten lekuan

mila banituzke

zuretzako maitia

izango lirake

Baina milan lekuan

bat besterik ez det

har zazu ba, maitia

bat hau mila bider. (bis)

Nere maite polita

nola zera bizi?

zortzi egun hauetan

ez zaitut ikusi

Uste det zabiltzala

nigandik igesi

ez didazu ematen

atsekabe gutxi. (bis)

Bertsoak: I. Bizkarrondo “Bilintx”

https://www.youtube.com/watch?v=JBfw0qKyyGI