Kanta Berria

KANTA BERRIA RE MI

Oi kanta berri isilik nago

orai duela aspaldi,

zuretzat nuen gar bero hura

suntsitu ez da, dirudi.

Beste lanetan iragan ditut

anitz egun eta gaualdi,

bainan oraino ez dut ukatu

Euskara ez eta Euskadi.

Oi kanta berri bihotzetikan

espainetarat jalia,

euskal airean bialtzen zaitut

zu nere mezularia.

Anaiartean izatu banaiz

beresle xamurlaria.

Izan zaite zu ene partetik

bakezale den xoria.

Oi kanta berri izan zaite zu

anaiarteko zubia,

batasunetik libertatera

gidatzen duen bidia.

Kartzelan den abertzaleari

emozu doi bat argia,

etsiturikan den bihotzari

esperantza ur bizia.

Oi kanta berri gure herriak

behar du bide ta zubi,

etxeetan ere baitezpadako

argiarekin ur garbi.

Horiek denak ez dira aski

bizi dadien Euskadi,

hainbat oraino beharko ditu

kanta bat eta kanta bi.(bis)

J. M. Labegerie

https://www.youtube.com/watch?v=2x0oOqh7iSE