markoxen txerrixe

MARKOXEN TXERRIA RE MI

1

Markoxek egin eban

lastozko zubixe

bertatik pasatzeko

bera ta txarrixe

pasatzen hasi eta

jausi zan zubixe

Markoxek hartu eban

kristoren ostixe.

2

Horrelaxe hil jako

makina bat pizti,

baina aurrera doa

euri zein eguzki;

Markoxi berdin jako

busti zein ez busti,

errekan zehar doa

txarri eta guzti.

...3

Erreka bazterrean

guardarekin kezka

lizentzi barik egin

ote dauen peska

eskuak gora jasoz

Markosen protesta

hau nere txerria da

arrankaixa ezta!

4

Erreka pasa eban

berak ozta-ozta,

gero goarda zala-ta

txarri horrek ospa,

Markox bere atzetik

mekauendioska:

“Erreka pasatzea

ez jat gitxi kosta.”

5

Errekatik urten zan

goraino bustirik

gainera sikatzeko

ez zan eguzkirik,

egindakoarekin

guztiz damuturik

berriz ez dau egingo

lastozko zubirik.

6

Markoxen txarria zan

artoz hazikoa

San Martinetarako

berebizikoa

Markoxi alde eginda

hor ihesi doa

agur solomo eta

urdaiazpikoa!

7

Munduan ez zegoen

holako piztirik,

txarrixe maite eban

eta ez besterik;

pentsatzen dago hilda

ala den bizirik.

Txarrixe topau ezin.

Holako ostirik!

8

Txarrixan bila dabil

behera eta gora,

ihesi joan jako

eta ez daki nora.

Horren pentsamendua

jatorko gogora:

Gazunasakaren baten

gordeta egongo da.”

Bertsoak: Xabier Arriaga

Doinua: ???

https://www.youtube.com/watch?v=nXF_sF5k840