DON JUANEN BERTSOAK FA

Bertso berriak jarri nahi ditut

hasi berrien pareko

Juan de Oñate kapitainaren

ibilerak kontatzeko

Amerikara ontiratu zen,

amets eroak tarteko

erregimendu bakar batekin

zerua konkistatzeko.

Nuevo Mexiko aldean sarri

irabazi zuen fama:

indiar aldren jazarpenean

basamortu bete lana

kartzelan sartu zientoka eta

akatu ere andana

libre bizi zen koioteari

jarri nahi zion arrana.

Hala_eta guzti gure indiarrek

entzun txarreko izaki,

hiriburuan egin zituzten

makinatxo bat sarraski

espainiarren guardietatik

hamalau hilez zehazki

Gauzak horrela oñatiarra

sutan jarriko zen, noski.

Gure Don Juan apena ez zen

luzaroan atzeratu,

handik zebiltzan hamalau indiar

ausaz zituen atzitu

urkamendira zihoazenean

bihotza zitzaion urtu

heriotzatik libratu eta

hanka bana zien moztu.

Gaur egunean han ageri da

Santa Fe erdiko plazan

Juan de Oñaten estatua bat

munduak miretsi dezan

zaldi gainean ezpata luze

irabazlearen trazan

hanka bat moztu ez baliote

sinesgarri izango zan.(bis)

Kirmen Uribe

Mikel Urdangarin