denbora ez da pasatzen

Azalak memoria du

ta memoriak azala,

ez dut gogoratzen behingoz

ahaztu behar zaitudala.

Momentutxo bat sartu naiz

zure besoen artean

eta betirako preso

sentitu naiz bapatean.

Ez dut inora joan nahi

zurekin nagoenean

baina ez dakit non egon

doana zu zarenean.

Denbora ez da pasatzen

nahiz eta egunak igaro

zu gabe min ematen dit

baina zurekin gehiago.

Ohe bat iruditzen zait

zure eskuaren ahurra

azpian ezkutatzen den

montruari diot beldurra.

Erretzaile ohia berriz

jausten da bat probatuta,

neri hori gertatzen zait

zuri behin begiratuta.

Ez dakit egiten dezun

nahi gabe edota nahita

baina zure perfumea

daukat atzetik jarraika.

Denbora ez da pasatzen

nahiz eta egunak igaro

zu gabe min ematen dit

baina zurekin gehiago.

Taberna hortan oroitzen

zaitut barrezka ta ardotan

ohartzerako malkoek

diana jo dute ardotan.

Egon naiz argazki dendan

ezabatzeko zorian

baina tatuatu dizkit

nostalgiak memorian.

Ze min ematen didaten

bageundeke ta bazinak

mingainean iltzaturik

daramatzadan pirtzinak.

Denbora ez da pasatzen

nahiz eta egunak igaro

zu gabe min ematen dit

baina zurekin gehiago.

Denbora ez da pasatzen

nahiz eta egunak igaro

zu gabe min ematen dit

baina zurekin gehiago.

Beti izango da hobeto

badaezpada esanez

"ondo ez kezkatu"

ez zaitut maite, maitea.

Denbora ez da pasatzen

nahiz eta egunak igaro

zu gabe min ematen dit

baina zurekin gehiago.

Denbora ez da pasatzen

nahiz eta egunak igaro

askatu ninduzunetik

korapilatuta nago.

Letra: Jon Maia

Doinua: Hezur Beltzak

https://www.youtube.com/watch?v=IVXzJSbNFss