balearen bertsoak

BALEAREN BERTSOAK DO RE

1

Mila bederatzieun ta

lenengo urtian

Maiatzaren hamalau

garren egunian

Orioko herriko

barraren aurrian.

Balia agertu zan

be(der)atzik aldian.

2

Haundia ba zan ere

azkar ibilian.

Bueltaka han zebilen

jun ta etorrian.

Ondarra harrotuaz

murgil igarian.

Zorriak zeuzkan eta

haiek bota nahian.

3

Ikusi zutenian

hala zebilela

berehala jun ziran

treñeruen bila.

Arpoi ta dinamitak

eta soka bila.

Aguro ekartzeko

ez zan jende hila.

4

Bost treñeru juan ziran

patroi banarekin

mutil bizkor bikainak

guztiz onarekin.

Manuel Olaizola

eta Loidirekin

Uranga, Atxaga ta

Manterolarekin.

5

Baliak egindako

salto ta marruak

ziran izugarri ta

ikaratzekuak,

atzera egin gabe

hango arriskuak,

arpoiakin hil zuten

han ziran hanguak.

6

Bost txalupa jiran ta

erdian balia

gizonek egin zuten

han nahiko pelia.

Ikusi zutenian

hil edo itota

legorretikan bazan

biba ta txaloka.

7

Hamabi metro luze

gerria hamar lodi

buztan pala lau zabal

albuetan para bi,

ezpainetan bizarrak

beste ilera bi

orraziak bezala hain zeuzkan ederki!

8

Gorputzez zan mila ta

berrehun arrua,

beste berrehun mingain

ta tripa barruak.

Gutxi janez ez zegon

batere galdua

tiñako sei pesetan

izan zan saldua.

9

Gertatua jarri det

egiaren alde,

hau horrela ez bada,

jendiari galde.

Bihotzez pozturikan

atsegintsu gaude,

gora oriotarrak

esan bildur gabe!

Bertsolari ezezaguna

Doinua: Benito Lertxundi

https://www.youtube.com/watch?v=SblTNCEnhIw