gazte gaztetatikan

GAZTE-GAZTETATIKAN MI

Gazte-gaztetatikan

herritik kanpora,

estranjeria aldean

pasa det denbora.

Herrialde guztietan

toki onak badira,

baina bihotzak dio:

"Zoaz Euskal Herrira!"

Lur maitea uztea

da negargarria,

hemen gelditzen dira

ama ta herria.

Urez noa ikustera,

bai, mundu berria,

oraintxe, bai naizela

errukigarria.

Agur ene bihotzeko

amatxu maitea,

laster etorriko naiz,

kontsola zaitea

Jaungoikoak nahi badu

ni urez joatea

ama, zertarako da

negar egitea?

J. M. Iparagirre