mendian gora

MENDIAN GORA Rem Mim

Mendian gora haritza

ahuntzak haitzean dabiltza.

itsasoaren arimak dakar

ur gainean bitsa.

Kantatu nahi dut bizitza,

usteltzen ez bazait hitza,

mundua dantzan jarriko nuke

Jainkoa banintza. (bis)

Euskal Herriko tristura

soineko beltzen jostura

txori negartiz bete da eta

umorez hustu da.

Emaidazue freskura

ura eskutik eskura.

Izarren salda urdina edanda

bizi naiz gustura. (bis)

Euskal Herriko poeta

kanposantuko tronpeta

hil kanpaiari tiraka eta

hutsari kolpeka.

Argitu ezak kopeta,

penak eurentzat gordeta,

goizero sortuz bizitza ere,

hortxe zegok eta. (bis)

Mundua ez da beti jai

inoiz tristea ere bai

baina badira mila motibo

kantatzeko alai.

Bestela datozen penai

ez diet surik bota nahi.

Ni hiltzen naizen gauean behintzat,

eizue lo lasai. (bis)

Bertsoak: X. Amuriza

Doinua: I. Larzabal

Imanolen bertsioa

https://www.youtube.com/watch?v=Dm_g3jDoLBk

(Jatorrizko doinua beste bat da)