egun da santimamiña

EGUN DA SANTIMAMIÑA RE

Egun da Santi Mamiña

benetan egun samina.

Goiko zeruan gorde dezala

luzaro neure arima.

Esanen dizut egia

hau ez da usategia;

erroi artean izan nitzaden

benetan ausartegia.

Egun da Santi Mamiña

benetan egun samina.

Goiko zeruan gorde dezala

luzaro neure arima.

Itsas aldean izarra,

hari begira lizarra;

euskara salbo ikusi arte

ez dut kenduko bizarra.

Egun da Santi Mamiña

benetan egun samina.

Goiko zeruan gorde dezala

luzaro neure arima.

Zu neska bizargabeko

egizu promes betiko

bizarra mozten duen gizonik

ez duzula inoiz maiteko.

Egun da Santi Mamiña

benetan egun samina.

Goiko zeruan gorde dezala

luzaro neure arima.

Kantatu zuen oilarrak,

argitzen dira belarrak;

Ageda gure martiriari

moztu zizkaten bularrak.

Egun da Santi Mamiña

benetan egun samina.

Goiko zeruan gorde dezala

luzaro neure arima.

Bularrak moztu zizkaten eta

Euskal Herriak diotsa,

solomu luze dultzerik gabe

eman zaidazu bihotza.

Egun da Santi Mamiña

benetan egun samina.

Goiko zeruan gorde dezala

luzaro neure arima.

Eman zaidazu bihotza eta

ken berriz nahigabeak.

Esan noiz garen izanen gure

etorkizunen jabeak.

Egun da Santi Mamiña

benetan egun samina.

Goiko zeruan gorde dezala

luzaro neure arima.

Letra: Gabriel Aresti

Doinua: Mikel Laboa

Horra bertsino bizitxu bat:

https://www.youtube.com/watch?v=JIyPcZQwPRI