MAITIARI

MAITIARI MI

Euskaldun baratzean

jaio zinan lore

garbi eta usaintsu

larrosa dotore.

xoriak kanta dizu

hamaika amore

besarkatutzen zaitu

haize epelak ere

zu zaitut katibua

lotzen nauan sare.

Zu zaitut bihotzaren

erdiko atala

jakin ezazu gogoz

maite zaitudala

zeure taupaden hotsa

nik daroadala

eta nire bizia

zugan dagoala

biok bat izateko

jaioak gerala.

Ez gara maite behar

geu biok bakarrik

egoismoari inoiz

ez emon indarrik.

Ez dugu ahaztu behar

herriko negarrik

ezta ezentzun egin

anaien didarrik

gugan dugun artean

maitasun sugarrik.

Iokin eta Josu

https://www.youtube.com/watch?v=ShqhlV3FELA