Rosari e Misteri

Canto per la Madonna del Rosario 

Marunnuzza di lu Rosariu 

Lu vostru nomu è beddru assai 

Come salve Regina 

Chi di razia siti china 

V’ha prisentu stu rusariu 

A vui sta sira 

Si mancari a vui ci fussi 

Mi l’aviti a pirdunari 

La Maronna rispusi e dissi 

Lu rusariu un lassari 

E lu tempu chi pirdisti ti lu fazzu annavanzari 

E ti mannu l’ancili p’accumpagnari 

Oh Ancilu di Diu Tu chi stai a lu cori miu 

Accompagnami sta notti 

Scanzatiminni di mala morti 

San Duminicu biatu  Stu rusariu a vui fu datu 

Da Maria la virgineddra Tutta pura e tutta beddra 

Offiremulu a Maria cu la nostra armonia 

e vulemu a Diu pi patri e Maria pi nostra matri 

Misteri Gaudiosi 

1) L'Annunciazione dell'Angelo a Maria Vergine

2) La Visita di Maria Santissima a Santa Elisabetta

3) La Nascita di Gesù nella grotta di Betlemme

4) Gesù viene presentato al Tempio da Maria e Giuseppe

5) Il Ritrovamento di Gesù nel Tempio

                                         S. Espedito

Stati 'nsemmula 'ncumpagnia San Duminicu e Maria 

e Maria è supra un cruciuri 

l'affidamu a lu nostru amuri 

Nun su comu miritati cu la vostra maestati 

su li cosi sculuruti lu me cori ha riciuruti 

Comu 'nterra amamu a vui comu 'ncelu purtati a nui  

e decimila voti ringraziamu 

lu santissimu e divinissimu Saramentu 

e tri voti sia ludatu viva Diu saramintatu

E si eu aiu piccatu pozza moriri distinatu 

stu rusariu penerrà pene e 'nfernu patirà 

O mio Diu tuttu climenza misericordia e bontà 

dati a nui la pruvirenza di la vostra carità 

e pi lu nomu di Maria e San Giuseppi gluriusu 

vui curriggiti l'arma mia vui chi siti patri e spusu 

di Gesuzzu e di Maria 

Spusu dilettu tantu pirfettu 

eu la me morti allura aspettu. 

Tutti nsemmula virgineddra 

Tutti nsemmula ncumpagnia 

Santu Minicu e Maria

Misteri Gaudiosi 

Diu ti manna la "mmasciata 

'Ca di l'Angilu è purtata: 

di lu Figliu di Diu Patri. 

già, Maria, si' è fatta Matri. 

O' gran Virgini Maria 

Mi cunsolu assài cu tia. 

Ti partisti cu gran fretta 

Pi visitari Elisabetta; 

San Giovanni 'Unn'era natu 

È da Diu santificatu Rit. 

Ntra'na povera manciatura 

Parturisti, o gran Signura, 

A Gesuzzu Bammineddu 

'Mmenzu un voi e un asineddu Rit. 

Comu l'autri fimmineddi 

Piccatrici e puvireddi . 

A lu Tempiu tinni jsti 

Lu to Figliu a Diu offristi. Rit. 

Quannu a Gesu lu spirdisti, 

lu circasti e lu vidisti 

cca nsignava la duttrina 

cu sapienzia divina Rit. 

Contemplazione di Maria gaudiosa 

O Bellissima Signura 

chist'amabili curuna 

ca d'in terra damu a Vui . 

d'in celu dati a nui 

o Bellissima Maria 

vera luci di veru Dìu 

cumpatiti li nostri errori 

cu duci e allegru visu 

e rapitini li porti 

di lu santu Paradisu 

vi ludamu tutti quanti 

tutti nui rusarianti 

Misteri Dolorosi 

Gesù a l'ortu si disponi' . 

Pi fari orazioni ' 

E pinzannu a lu Piccatu 

Sangu veru Diu ha sudatu' 

O gran Virgini Maria 

La tò pena ancora è mia 

Quannu a Gesu lu pigliaru 

Lu spugliaru e l'attaccaru, 

Li sò carni flagillati 

Pi li tanti vastunati, Rit. 

Re di burla fu 'ncurunatu 

Cù na canna svirgugnatu, 

Gran duluri in testa Prova 

Cu ddi spini comu chiova Rit. 

A la morti è cunnannatu 

Comu un latru sciliratu, 

La sò cruci allegru porta 

Nuddu c'è chi lu cunforta. Rit. 

A la vista di la Matri 

Crucifissu cu dù latri, 

Mori a forza di duluri 

Lu mè caru Redenturi. Rit. 

Contemplazione del S. volto doloroso 

Gesù caru Redenturi 

vostra faccia comu un suli 

è tutta na viricata 

cu 'na granni masciddata, 

sunnu assai li tradituri, 

Diu patì pi nostu amuri. 

Vi lodamu tutti quanti . 

tutti nui rusarianti. 

Misteri Gloriosi 

Cristu già risuscitau, 

Di la morti trionfau 

Comu un Rè gia trionfanti 

scarcerau li Patri Santi

O gran Virgini Mària, 

Mi rallegru assài cu tia. 

Doppu poi quaranta jorna 

Gesù Cristo in Celu torna 

A Maria cu li sò amici 

Si l’abbrazza e binidici. Rit. 

Deci jorna poi passaru 

ca l'Apostuli prjaru 

Ccu Maria ca li mantinni 

E lu Spiritu Santu vinni. Rit. 

Vinni l'ura di Partiri, 

Maria in Celu ju a gudiri; 

O chi bella sorti fu, 

Muriu in grazia di Gesù Rit. 

Maria in Celu trionfau 

In arma e 'ncorpu in Celu entrau, 

'Ncurunata fu Rigina 

Da la Trinità Divina Rit. 

Contemplazione di Marìa gloriosa 

O Palumma senza feli, 

o Rigina di li Celi, 

e di rosi 'ncurunata, 

e di gloria beata 

Vi lodamu tutti quanti 

tutti nui rusarianti 

Preghiera 

O Maria, sti pocu ciuri 

Vi offeriscu pi miu amuri; 

Nun sù comu miritati 

pi la vostra maistati; 

Sunu rosi sculuriti, 

lu bon cori riciviti 

Comu 'nterra lodamu a Vui 

Cussì in Celu, prigati pi nui