Al Mattino-La Sera

Preghiere del mattino

(I)

Iu mettu li peri nterra

E Diu mi li governa

Mi li governa cu veru amuri

Pirdunatimi Signuri

(II)

Susiti corpu mio

Lassu lu letto e ringraziu Diu

(III)

Susiti cristianu a la matina

Fatti la cruci e pigghia la curuna

Ti rappresenta la matri divina

Chiddra chi tanti razzi a nui ni runa

(IV)

M’paradisu c’è na longa scala Adurnata di suli stiddri e luna Quannu muremu l’arma nostra pacchiana Maria di lu Rosariu è la patrona

Fanciulli in chiesa a pregare

Tutti i bimbi pregano In preghiera prima del pranzo

Fanciulla in Preghiera si affida alla Madonna

Preghiere della sera

(I) Mi curcu pi durmiri E un sacciu si aju a muriri Tri cosi v’addumannu Comunioni estrem’unzioni e ogghiu santu Patri Figghiu e Spiritu Santu (II) Eu mi curcu nna stu lettu Cu Gesuzzu ncapu u pettu Eu dormu e iddru vigghia Si c’è cosa m’arruspigghia Marruspigghia cu li so manu Gesuzzu lu vadianu

(III)

Nna stu lettu mi curcu eu

E quattro ancili trovu eu

Dui a la testa e dui a li peri

Mmenzu c’è lu Signuri Deu

Lu Signuri Deu mi rici

Dormi riposa e un pinsari a nuddra cosa

(IV)

Nna stu lettu mi curcu eu

Quattro santi attrovu eu

Lu Signuri è me patri

La Maronna è me matri

Tutti li santi mi vennu parenti

Eu mi curcu sicuramenti

Un sacciu la livata l’arma mia raccumannata

Santa Famiglia in preghiera

(V) Eu chiuiu la porta mia Cu lu mantu di Maria E cu voli mali a mia Un’avi aviri ne forza ne valia Di rientra pari porta Di fora pari rocca Veni un nemicu e un trova la porta C’è l’aneddru di Santu Simuni scippa l’occhi a li mali persuniora Dormi e arriposa

e un pinsari a nuddra cosa

(VI)

Eu mi curcu mi durmiri

E un sacciu si aiu a muriri

Quattro angili a truvari

Dui a la testa e dui a li peri

Mmenzu c’è S. Micheli

E mi rici “dormi figghia e arriposa

E un pinsari a nuddra cosa”

(VII)

Lu signuruzzu è me patri

La Marunnuzza è me matri

L’ancileddri su fratuzzi

Ora chi aiu st’amici fideli

Mi fazzu la cruci e mi mettu a durmiri