Embedded Files
Novena del 15 Agosto per la Madonna del soccorso
Lu quindici d’austu la rosa spampinau
Maria di l’Assicursu ncelu sinn’acchianau
Rit.
Evviva Maria, Maria è sempri viva
Evviva Maria e chi la creò
E senza Maria sarvari un si po’
Che beddra sta matri chi adura stu figghiu
La rosa e lu gigghiu chi sciavuru fa (Rit.)
A li quattro cantuneri quattro angili calare
Maria di l’Assicursu ncelu si la purtaru (Rit.)
Che beddra sta curuna chi vui tiniti ntesta
Lu populu fa festa pi tutta la città (Rit.)
Chi beddru stu gigghiu chi vui tiniti mmanu
Fa ciavuru di supranu Matri di carità (Rit.)
Che beddru stu mantu ch’è largu quantu un mari
Maria di l’Assicursu n’aviti a riparari (Rit.)
Che beddra sta vesta celesti e turchina
A vui Matri divina chiù beddra vi sta (Rit.)
Che beddra sta cintura chi vui aviti attornu
Quannu è lu vostru jornu gran festa si farà (Rit.)
Che beddra sta scarpina chi vui tiniti mperi
C’è l’ancilu Raffaeli chi vi la guarderà (Rit.)
Sutta li vostri peri aviti lu serpenti
Lu malu abburienti chi nna lu nfernu sta (Rit.)
Che beddra sta matri di li scappuccini
li patri serafini ni la purtaru cca (Rit.)
Evviva Maria Maria è sempri viva
Evviva Maria e chi la creò
E chi la criau fu l’Eternu Diu
Evviva maria di quannu nasciu
Nasciu li jornu di l’Annunziata
Evviva Maria di quannu fu nata
Grida Luciferu cu tuttu lu nfernu
S’arraggia in eternu un sintennu a Gesù (Rit.)
Gesù amenti campu Gesù amenti moru
Gesù è lu mio tesoru eu vogghiu a Gesù (Rit.)
Gesù la vosi viriri cu la so santa sfera
La vitti tutta intera la Santa Trinità (Rit.)
Inno cantato nella città di Sciacca in occasione della festa della Madonna del Soccorso.
EVVIVA MARIA
Evviva Maria, Maria è sempri viva,
Evviva Maria e chi La creò
E senza Maria, salvari nun si pò
La nostra Regina Succursu chiamata,
Maria Nostra Avvocata di chista città ( 2 v.)
Di ‘ncelu ni chiama sta Mamma d’amuri
A nui piccaturi P’amari a Gesù ( 2 v.)
Ch’è bedda sta Matri chi avi stu Figghiu,
La rosa e lu gigghiu chi uduri chi fa.( 2 v.)
E durici stiddi furmaru ‘na curuna,
Maria è la Patrona di chista città (2v. ).
Che beddu stu mantu ch’è granni quantu u mari,
n’avemu a riparari, chi mantu di carità (2v.)
L’occhi du stiddi, su petri brillanti,
Fra Angili e Santi la stidda si Tu ( 2v.)
Ch’è bedda sta curuna, Maria, chi teni ‘ntesta,
Lu populu fa festa pi una eternità.(2v.)
Ch’è bedda sta mazza, Maria,chi teni mani,
Biniricitini stu mari, Matri di Carità.(2v.)
Che bedda sta vistina, celesti e turchina.
Maria nostra Regina che bedda ci stà.(2v.)
Che bedda sta tappina, Maria, ch’avi a lu peri.
C’è l’Angilu Gabriele chi ci la guarderà (2v.)
Di quattro cantuneri quattru Angili calaru,
Maria la ‘ncurunaru pi una eternità (2v.)
Lu quindici d’austu na rosa spampinau,
Maria la cunnucemu pi tutta la città (2v.)
Scatta Lucifiru cu tuttu lu ‘fernu,
S’arraggia in eternu sintennu a Gesù (2v.)
Gesù, mentri campu, Gesù, mentri moru,
Gesù, nostru tisoru, iu vogghiu a Gesù.(2v.)
Per le differenze fra i due canti si rimanda alle mie "Conclusioni" poste nella seguente pagina:
Grafico illustrativo sulle differenze fra i due
canti
Page updated
Google Sites
Report abuse