Sérstaða

Þegar þátttakendur komu til samráðsfundarins voru þeir beðnir um að setja þrjú merki við nokkrar setningar sem ætlað var að draga fram mismunandi afmörkun á sérstöðu þjóðgarðsins. Merkjunum mátti dreifa að vild, þ.e. setja öll við sama sérstöðupunkt eða eitt við einhverja þrjá.

Setningarnar voru mótaðar á grunni umræðu sem fram fór á fundi stjórnar Vatnajökulsþjóðgarðs í september. Mörg atriði voru nefnd þar en þessi sem sýnd eru hér til hliðar voru þau sem helst bar á þeirri umræðu.

Við hverja setningu er sýndur sá "atkvæðafjöldi" sem hver þeirra fékk.

Auk þess að taka afstöðu til þessara setninga máttu þátttakendur bæta við nýjum. Eftirfarandi kom fram:

• Stærsti jökull í Evrópu.

• Þjóðgarðurinn býður upp á ögrandi viðfangsefni og ævintýralega upplifun.

• Helsta verðmæti þjóðgarðsins verða upplifanir og viðburðir sem fólk skapar innan hans.

• Stærsti jökull í heimi utan heimskautsins.

• Rannsóknamiðstöð um þróun loftslags, jarðsögu og lífríki.

• Mjög fjölbreytt og óvenjulegt landslag: Miklar andstæður. Má sjá hvernig náttúruöflin móta yfirborð jarðar.

• Auðvelt aðgengi að jöklum.

61 atkvæði: Land þjóðgarðsins er fjölbreytt og felur í sér miklar andstæður; eldur-ís, byggð-óbyggð, gróður-auðn, hátt-lágt.

58 atkvæði: Í þjóðgarðinum má kynnast mannlífi, menningu og sögu sem endurspeglar baráttu við náttúruöfl og andstæður í nálægð við jökulinn.

41 atkvæði: Í þjóðgarðinum eru náttúruundur tengd jarðfræði, jarðsögu á flekaskilum, lifandi landmótun, eldi og ís.

27 atkvæði: Í þjóðgarðinum eru víðáttumiklar auðnir og óbyggðir með sérstæðum vinjum, t.d. á lindasvæðum.

25 atkvæði: Þjóðgarðurinn býður upp á sérstæða og eftirminnilega upplifun og skynjun.

6 atkvæði: Þjóðgarðurinn er sá stærsti í Evrópu.