Бібліятэка імя В.Віткі

Сваю гісторыю Дзіцячая бібліятэка №6 імя Васіля Віткі цэнтралізаванай сістэмы дзіцячых бібліятэк г. Мінска пачынае з 1967 года. 

Сёння гэта сучасная ўстанова, дзе для юных карыстальнікаў – багаты выбар сучасных, класічных дзіцячых, падлеткавых кніг і перыядычных выданняў на рускай і беларускай мовах; лялечны тэатр “Пацешка”; разнастайныя мерапрыемствы; творчыя майстар-класы; тэатралізаваныя паказы; мастацкія выставы. 

Ва ўстанове працуе філіял музея часопіса “Вясёлка”.

Дзіцячая бібліятэка №6 імя Васіля Віткі (г. Мінск) - пастаянны ўдзельнік Майскіх Віткаўскіх чытанняў. 

У 2011 годзе бібліятэцы прысвоена імя беларускага пісьменніка Васіля Віткі.