Імя Васіля Віткіі займае пачэснае месца сярод лепшых майстроў літаратурнага слова Беларусі, асацыіруецца з імёнамі, якія прадстаўляюць гісторыю і культуру нашай Случчыны і краіны ў цэлым.

У 2008 годзе Слуцкая раённая цэнтральная бібліятэка ініцыіравала правядзенне Майскіх Віткаўскіх чытанняў у гонар слыннага земляка. Чытанні сталі сапраўдным культурным брэндам Слуцка. Штогод яны збіраюць пісьменнікаў і журналістаў, настаўнікаў і бібліятэкараў, прыхільнікаў творчасці паэта і яго чытачоў, усіх тых, хто хоча яшчэ раз сэрцам дакрануцца да ёмкага, сакавітага віткаўскага слова.

Віткаўскія чытанні – узор развіцця чытацкай культуры, захавання духоўнай спадчыны, беражлівых адносін да роднай мовы і літаратуры. Упэўнены, што майскія ўрачыстасці з'яўляюцца магутным стымулам да яднання творчай інтэлігенцыі, вучнёўскай і працоўнай моладзі ў імя працвітання нашай Айчыны, у імя выхавання добрых пачуццяў у сэрцах і душах людзей, стварэння станоўчага культурнага іміджу нашага рэгіёну.

Палажэнне аб правядзенні Майскіх Віткаўскіх чытанняў у Дзяржаўнай установе “Слуцкая раённая цэнтральная бібліятэка”