Paano hinubog at nagawang mapaunlad ng sinaunang tao ang pagkakakilanlang

Asyano?

"Paninirahan sa lungsod" ang orihinal na kahulugan ng kabihasnan o sibilisasyon. Ang kabihasnan ay tumutukoy sa isang maunlad na kalagayang nalinang ng mga taong naninirahan ng pirmihan sa isang lugar sa loob ng nakatakdang panahon. Ang kabihasnan ay unang nalinang sa mga ilog-lambak. Bago pa man natuklasan ang sistema ng pagsulat, ang mga Asyano sa mga ilog-lambak ng Tigris at Euphrates, Huang Ho at Indus ay nagsimula nang mamuhay nang pirmihan at linangin ang kanilang kabihasnan. 

Ang mga pag-unlad na nagawa ng tao sa mga panahong ito ay tinaguriang Rebolusyong Neolithic. Ang mga naging bunga nito ang naging batayan ng makabagong kabihasnan. Ang tao ay nagsimulang mamuhay nang pangkatpangkat sa maraming lupain sa daigdig.