Ang mga Assyrian ay kabilang sa mga nandayuhang Semitikong pangkat sa ilog-lambak ng Tigris at Euphrates. Bunga ng kanilang nakapaloob na panirahang lupain, kinailangang makidigma ng mga Assyrian sa mga kalapit na lungsod-estado upang mapanatiling bukas ang kanilang daanang pangkalakalan. Dahil sa kasanayan sa pakikidigma at superyor na sandata, matagumpay na napabagsak ng mga Assyrian ang mga Hittite at itinatag ang lungsod-estado ng Assur, ang sentro ng kabihasnang Assyrian. Kinilala ang mga Assyrian bilang pinakamalupit, pinakmabagsik, at pinakamapanghamok sa lahat ng sinaunang pangkat ng tao.

Kinilala si Assurbanipal bilang malupit at marahas, ngunit napakahusay na administrador. Napagbuklod niya ang magkakahiwalay na lungsod-estado na kanyang nasasakupan. Ito ang nagpasimula ng pagtamlay sa pagtatag ng imperyo at paglaho ng mga lungsod-estado. Ipinaayos niya ang mga lansangan sa mga lupain upang mapaunlad ang kalakalan at mapadali para sa kanyang hukbo ang pagkilos at pagtugon sa kanyang mga utos.

Dahil sa maayos na pamamahala ni Assurbanipal, natamo ng mga ang Assyrian ang tugatog ng kapangyarihan at tagumpay. Sa loob ng panahong ito, ang Nineveh, na kabisera ng Imperyong Assyrian, ay kinilala bilang simbolo ng kalupitan at katayugan ng mga Assyrian.