Ang mga lungsod-estado ng Tyre at Sidon ng mga Phoenician ay napasailalim din ng kapangyarihan ng mga Assyrian, Hittite, Chaldean, Egyptian, Persian, at Greek. Ang mga Phoenician ay tinaguriang "Dakilang Mangangalakal ng Sinaunang Kabihasnan." Ang alpabeto ang pinakamahalagang kontribusyon ng mga Phoenician sa kabihasnan. Ayon sa mga manunulat ng kasaysayan, ang alpabetong Phoenician ang naging batayan ng wikang Egyptian na ginamit sa Sinai. Ang alpabetong ito ay naipasa ng mga Phoenician sa mga Griyego noong 850—750 BCE na siya namang nagdala nito sa mga Europeo, pasilangan sa mga Aramaean na nailipat naman sa mga Hebrew. Ito ang ginamit ng mga Hebrew sa pagsulat ng Lumang Tipan (Old Testament) at siya ring ginamit ng mga Arab sa pagsulat ng kanilang Koran. Ito rin ang naging batayan ng wikang Persian.