Cynulleidfa Darged: Athrawon Newydd Gymhwyso sy’n ymgymryd â Sefydlu fel athro contract mewn ysgol neu athro cyflenwi byrdymor/hirdymor mewn Ysgolion a Gynhelir ac Unedau Cyfeirio Disgyblion.

Mae cyfleoedd Dysgu Proffesiynol Partneriaeth ar gyfer Athrawon Newydd Gymhwyso (ANG) wedi’u datblygu i roi mynediad cyfartal i Ddysgu Proffesiynol i bob ANG.

Mae Dysgu Proffesiynol yn annog ymgysylltiad ag ymholiad, ac fe’i cefnogir gan Fentoriaid Sefydlu (MS), Mentoriaid Allanol (MA), a Gwirwyr Allanol (GA). Mae cynigion Dysgu Proffesiynol ar gael i fentoriaid hefyd, fel eu bod yn gallu cefnogi’r Athrawon Newydd Gymhwyso mewn modd proffesiynol a gwybodus.

Mae rhywfaint o’r Dysgu Proffesiynol wedi’i gyd-greu trwy raglen Genedlaethol draws-ranbarthol ac mae ar gael i Athrawon Newydd Gymhwyso.

• Cyfrannu at adeiladu gweithlu addysgu rhagorol er budd pob dysgwr.

• Cefnogi Athrawon Newydd Gymhwyso i gael y dechrau gorau i’w gyrfa addysgu.

• Sicrhau bod pob ANG yn canolbwyntio ar flaenoriaethau cenedlaethol.

• Adeiladu ar y profiadau a gafwyd yn ystod addysg gychwynnol athrawon (AGA) i gefnogi twf proffesiynol gydol gyrfa.

Manylion y Digwyddiad:

• Darperir 3 diwrnod o Hyfforddiant Cenedlaethol gan y Grŵp Trawsgonsortia Rhanbarthol yn nhymor yr Hydref

• Darperir 5 diwrnod o Ddysgu Proffesiynol gan Partneriaeth (o leiaf) yn nhymhorau’r Hydref, y Gwanwyn a’r Haf.

Manylion llawn ar gael yma:
Cynnig Dysgu Proffesiynol Rhanbarthol Partneriaeth ar gyfer ANG

Carol Jeffreys, Sefydlu ar gyfer Athrawon Newydd Gymhwyso carol.jeffreys@partneriaeth.cymru