Fuglafóður
Heimsmarkmið 15 um líf á landi fjallar um endurheimt vistkerfa og mikilvægi líffjölbreytileika. Ein leið til að vekja athygli nemenda á þessu málefni er að huga að fæðu fugla yfir vetrartímann. Í þessu verkefni er gott að vinna með samkennd nemenda. Á síðu Fuglaverndar er hægt að kynna sér ólíkt fæði fuglategunda og góð ráð um fóðrun fugla.
Á yngra stigi hjá okkur í Engjaskóla eru aðstæður þannig að kennslustofurnar eru á jarðhæð og snúa út að grænu svæði með birki- og grenitrjám. Kennarar hjá okkur eru áhugasamir um náttúrufræði sem nær út fyrir bókina og í einum árgangi eru smáfuglarnir fóðraðir með ýmsum hætti yfir veturinn. Þeir launa okkur það með söng allt árið.
Uppskrift af fuglafóðri:
Fuglafóður í hnetusmjöri - einfalt
Hnetusmjör, fuglafræ, margar tegundir koma til greina.
Hnetusmjör, pappírsrúlla, band, hnífur, skæri
Rúllað upp úr fræjum
Hengt upp í tré
Fóður í kókosolíu - þarf að kæla
Fóðurkúlur til að hengja upp í tré. Nemendur hafa gert fóðurkúlur úr feiti og kornum fyrir fuglana og hengt upp í tré fyrir utan glugga skólastofunnar. Þessar fóðurkúlur er tilvalið að útbúa í útikennslu þegar kalt er úti. Það er gott að setja fóðrið inn í appelsínubörk eða í eggjabakka því þá er hægt að hengja fóðrið upp strax.
Kókosolía, haframjöl, sólblómafræ, graskersfræ og rúsínur.
Það geta verið fleiri eða færri tegundir.
Prímus, pottur, kveikjari, pískur, skeið, band, skæri, ílát, greinabútar.
Hita kókosolíu
Blanda haframjöli, fræjum og rúsínum við olíuna og hræra.
Binda band við litla grein.
Setja blönduna í mót og setja grein með bandi inn í kúluna
Fuglavernd fjallar um fóðrun fugla og leiðir til að vernda þá og fóðra þá.