Að greina tré

Það er ekki alltaf sem grunnskólar státa af skógi á skólalóðinni en flestar skólalóðir hafa einhvern trjá- eða runnagróður auk þess sem einhver vísir að skógi er oft í göngufæri við skólann. Það gott fyrir nemendur að læra nöfn og einkenni helstu tegunda sem vaxa í þeirra átthögum. Það er t.d. hægt fyrir ákveðna árganga að taka tré í fóstur og skoða hvernig mismunandi árstíðir hafa áhrif á gróðurinn.

Kennarar geta í samvinnu við næstu skógræktarstöð búið til sýnishorn af helstu trjám sem finnast í nágrenninu og leyft nemendum að skoða árhringi og börk á sýnishornunum og farið svo í vettvangsferðir í nágrenni skólans til að skoða laufblöð eða greninálar á mismunandi árstímum.