Prathibhanam

പ്രതിഭാനം

ആത്മാരാമൻ

(ഒരു ദക്ഷിണേന്ത്യാ പഠന കേന്ദ്രം പ്രസിദ്ധീകരണം)

കവിതകളോട് പ്രണയ പാരാവശ്യമല്ല ഈ പ്രബന്ധങ്ങളുടെ സാമാന്യഭാവം. കാരണം തരളചപലകളല്ല, ഗഗന ഭാവകളാണ് ഈ കവിതകൾ. പശ്ചാത്തലവും പുരസ്തലവും തെളിച്ചു കാട്ടിയാൽ പോലും ഇവയുടെ വടിവും വളവും തിരിഞ്ഞു കിട്ടുക വിഷമം. പുറം വടിവ് മാത്രം തെളിഞ്ഞു കിട്ടിയാലും പോരല്ലോ. കവിതകളുടെ ഉള്ളിരിപ്പ്എന്തെന്നറിയാൻ ഉതകണമല്ലോ. ഉപദാനകരണങ്ങളെ അറിഞ്ഞാലേ കവിതയുടെ അന്തരം വെളിവാകൂ എന്ന ദൃഡ പ്രത്യയത്തിന്റെ പ്രകാശ്യമാണ് 'പ്രതിഭാനം" എന്ന പേരിന്നു കാരണം.

കാട്ടെലിയുടെ കത്ത് (വള്ളത്തോൾ), പെരുന്തച്ചൻ (ജി), നർത്തകി (വൈലോപ്പിള്ളി), മലിന്ത് സിൻ (എൻ വി), ആകാശവുമെന്റെ മനസ്സും (ഒ എൻ വി ), ഐൻസ്റ്റൈന്റെ അതിഥി (വിഷ്ണുനാരായണൻ നമ്പൂതിരി) എന്നീ കവിതകളിലൂ ന്നിയ അന്വേഷണമാണ് ഈ ഗ്രന്ഥം.