INGREDIENTI:

300 gr. ri farina

75 ml ri acqua

6 chiova ri garofano

300 gr. ri zuccaru

un pizzicu ri cannedda

COMU SI PROCEDE:

Nta na ciotola ammiscare a cannedda e a farina e mittemu ri lato. Nta na pignatedda sbarramu u zuccaru, l’acqua e i chiova di garofano. Ammiscamu e mittemu nto furneddu; quannu sta pi vugghiere ci mittemu a farina a picca a picca. Arriminamu ri continuo e veloce fino a che addiventa liscio.

Sbarramu nta u scannature cu anticchia ri farina e facemulu arrifridda pi cocchi minutu. Quannu è ancora debbito, impastamu presto e facemulu addivintare omogeneo.

Facemu attipo filoncini spessi ri 2 cm e tagghiamu pizzuddicchia ri 4 cm. Ncapo ri ognuno facemu tagghi nichi superficiali e mittemuli uno o lato ri n’avutru ncapu un vassoio cu a carta ru furnu. Cummigghiamuli cu n’atru fogghiu e aspittamu due o tri ghiorna.

Nto terzu iornu l’ossa ri morti su asciutti e ri ncapu su bianchi e ri sutta chiù scuri. Cucemuli nto furnu già cavuru a 180° pi deci o quinnici minuti.

Sarannu cotti quannu ci sarà a magia: cioè quannu u zuccaru si sciogghie ci nesce a base caramellata spartennusi ra parte bianca c’arresterà vacante.

Niscemu ru furnu l’ossa dei morti e facemulli arrifriddare prima ri servere.

I viscotta si ponno sarvare pi na para ri iorna.