مامکێت باکور

مامکێت کوردی

سێ لنگ ئو سێ دار

چار لنگ پێدا

دو لنگ هات حنگەک لێدا

بەرسڤ : مەشکە

فەتلەک گییا

ل پشتا چییا

بەرسڤ : ئاگرودکێل

کلندر وملندر

لاو ژ بابێ بلنتر

بەرسڤ : کولند

شەش بن وبنەک

دو نان وکوتەلەک

بەرسڤ: تەرازی، میزان

رەشە رەشە وەک قیر

سپی یە وەک شیر

چ دکەت دکوتلکا ژنا میر؟

بەرسڤ : کێزک

دو رێزێت مراری

دو گەلیێت تاری

دو چرایێت گەش

مەیدانەکا خوەش

دو مارێت رەش

چیایەکێ رەش

بەرسڤ : سەرێ مروڤی

کوفیا ژن خالێ

گرێلبو نەهالێ

بەرسڤ : پشکل

هەسپە قەر

بەرخ ل بەر

بەرسڤ : گوندورە

شکەفتەکا تاری

تێدا تژی مراری

بەرسڤ : دەڤ

شڤا تەرە

ل گێوارە

بەرسڤ : مار

ئاپیکێ سنجک

بازدا کونجک

بەرسڤ: مشک

دارەکە ، هنارەکە

ل سەر هنارێ گوپالەکە

ل سەر گوپالی رستە

ل سەر رستێ بهوستە

بەرسڤ : تەشی

کالوکی تە ل دەشتە

بارێ ستریان ل پشتە

بەرسڤ: ژژی

ل وی ئالی دیوارە

ل ڤی ئالی دیوارە

ناڤ بەرا واندا

گورەکی هارە

بەرسڤ : شویرهە

هەسپێ شێ

بازدا حەوشێ

بەرسڤ : کێچە

ل ڤی ئالی تەخت

ل ڤی ئالی تەخت

دناڤ بەرا واندا

مێرەکێ بێ بەخت

بەرسڤ : شویرهە

دارا ناڤ ئاڤێ

ئاڤێ دا ناڤێ

چیچک ل سەر

نکل زەر

بەرسڤ : برنجە

سێنیا ساڤارێ

سەر گوهێ دارێ

بەرسڤ : هنارە

چوم سەرێ زنارەک

دقوتم بزمارەک

دەنگ ژێ دچیت هزارەک

بەرسڤ : دەنگێ عەورا

زاڤ هندکە

تاما خارنێ خوەش دکە

بەرسڤ : خوێ یە

مارێ مری

ئەرد کور کری

بەرسڤ : دلوپ

حەبەک دندکە

بابێ من توڤ دکە

مالا خو نوی دکە

بەرسڤ : توڤێ پامبی

چوم سەرێ بانەکی

دنێرم بیستانەکی

هەمی بیکێت سالەکی

بەرسڤ : کولیلکێت هنارا

تەنیر ئاخین

دوکێشک دارین

بوب هێرک چەرمی

بەرسڤ : قەلین

سپی یە ، نە کەشکە

گوه بەلە نە مەشکە

بهاران تەرە

پائیزان هشک

بەرسڤ : قەشقیلک ، شەیتانوک

نە پێ هەنە، نە پەحنی

هەروژ هەروژ دچیتە کانی

بەرسڤ : جەر

ئەو چ تشتە خو رادگریت بێ دارە ئو بێ ستوین

بەرسڤ: ئەسمانە

ئەو چی یە: ژڤێری حەتا حەلەبێ

تژی کچکێت چاڤ کلکری

بەرسڤ: ستێرن

هلندر ملندر، لاو ژبابێ بلنتر

بەرسڤ: ئاگر و دکێڵ

هو دبێژم، تەفشو دبێژم

ناڤدکەم، بەلێ نابێژم ئەو چیە؟

بەرسڤ: تەفشی یە

مامکو ئەو چ تشتە

یێ نکل خشتە

تە ب پلەکێ کوشتە.

پێشی یە

شڵ دکەم

رەپ دەکەم

تێدا د کەم

بەرسڤ : دەرزی و تا دەزی

کچکا قازی

سەر بانا د بەزی

دکەی هاوار وگازی

بەرسڤ : باگوردان

ڤی ملێ دەپ

ڤێ ملێ دەپ

دنیڤا وێ دا زل وزەپ

بەرسڤ : باهیڤ

هەلو یە

بێ موییە

ئەرێ بابە ئەڤە چییە؟

بەرسڤ : کرمە

کانیا کەڤزی

ئاڤ ژێ د زی

بەرسڤ : دفنە

دەڤێ وی سنگێ دەیکاتە

گوهێ وی روی وسمبێلێت بابێ تە

بەرسڤ : مەشک

ئالەک راستە ، یەک خارە

کورو بێژە گوپالە

بەرسڤ : گوپالە

دچمە سەرێ بانەکی

دنێرم بیستانەکی

حەفت زنجیر ل دەڤێ مارەکی

بەرسڤ : مێوا تریە

سەر گەڵگەلە

بن گەڵگەلە

چاڤ زیقە سمبێل بەل

بەرسڤ : کێڤریشکە

دەست وپێ جەرمانی

خو هەلتانی چاچانی

بەرسڤ : بەقە

گایێ گێژو

ل هەوا د هاژ

بەرسڤ : بالەفرە، فروکە

ئەز چومە نزارەکی

بو نالە نالا بریندارەکی

بەرسڤ : بڤر

سەری چەرمینە

نیڤی زێرینە

بنی ئاخینە

بەرسڤ : روین دانک

پێنج برا دهێن ژ دەشتێ

هەر ئێکی فەرشەک ل پشتێ

بەرسڤ : نینوک

کا زەرو کادین سپییو

بەرسڤ : هێک

ئەسمانێ تاری

بەفر لێ باری

بەرسڤ : موخڵ

شەڤ بیکە

روژ پەپیکە

بەرسڤ : کونجی

ئاڤە نە ئاڤە

نانێ مری دناڤە

تەیرێ زێرین هنداڤە

بەرسڤ : لەمپە

یا ل ناڤ داران

سورو زەردکەت

ل ناڤ داران

بەرسڤ : تاڤە

ڤی ئالی کاش، ڤی ئالی کاش

دناڤدا توبەک قوماش

بەرسڤ : پەرتوک

کونجەکا تاری

بەفر لێ باری

بەرسڤ : هافر

گایێ ڤلو

حەفت جلو

بەرسڤ : پیڤاز

سەر دەرزی، ستو مازی

بەر چەم دکەت هاوار وگازی

بەرسڤ : کەوە

نەرم وچەرمە

دوخینێ ڤەکە

ل بەر خو دانیکە

بەرسڤ : هریا پەزی

نە ل ئەردە

نە ل ئەسمانە

هێلینا بەترەوانە

شڤا دەستێ ئینسانە

بەرسڤ : کەلەک

قەسرا مالشتی

دو فەقی تێدا روینشتی

بەرسڤ : گیزە

کانیا کەڤگێ

خوینا پەزێ

پەز تێ دزێ

بەرسڤ : زەبەش ، شمتی

چپ چپ دبێ شڵ دکە

ئەری ژی قور دکە

بەرسڤ: دلوپ

سپی یەنە شەکرە

دفریت بەلێ یا بێ پەرە

بەرسڤ: بەفرە

ئەوا دمالێدا، ماڵا دوێدا

بەرسڤ: خودیکە( قودیکە)

قەسرا سپی یە یا بێ دەرە

بەرسڤ: هێکە

بێ دەڤە بێ زمانە

ناڤێ هەمی تشتا دزانە

بەرسڤ: پێنوسە

وێڤە دار، هێڤە دار

دنیڤێدا دنیڤێدا کورەمار.

خەنجەرە

تشتەک من هەیە

ڤی ئالی دیوار ، وی ئالی دیوار

دناڤدا تشتەکێ هار

ئەو چیە؟

بەرسڤ: شیر وکاڤلان

تشتەک من هەیە

گا دچیتە ئاش، بچیک ناچیت ئاش

بەرسڤ: کەڤچکە

ئەو چیە؟

گای دبەمە سەر ئاڤێ

گا ئاڤێ نا ڤەخوت

یێ بجێک ئاڤێ ڤەدخوت

بەرسڤ: چرا وفەتیڵە

دیکەکە، دکڤانەکە

چار میهن، بەرانەکە

ئەو چیە؟

بەرسڤ: تبڵ ودەستن

تشتەک من هەیە

خو دکێشیت ، نە مارە

دمەعیت نە کارە

پشت کڤانە، پشت دارە

بەرسڤ: سویخر

وەریس ئاڤێ ڤەدخوت

گولک دوەرمیت

بەرسڤ: زەبەش، شتی

ئەو چیە؟

کاغزەک هاتە دنێ

وەسا هویر، نەهات خاندنێ

بەرسڤ: سەر کولافک

تەختەکە شویشتی، موشتی

خاتینەک تێدا روینشتێ

بەرسڤ: دەڤ وزمان

ئەو چیە؟

رادبێت دگریت، دروینیت دگریت

بەرسڤ: زنجیرە

ئەز چوم مالا حارس

پرسیم ژخەلکێ فارس

کێ دیتییە گوشتێ ب گارس.

هژیرە

بابێ مری

دحەفت مێزەرا وەرکر

دگریرا کری.

پیڤۆکە

تژی شکەفتەکێ

بزنێت ب شاخەکێ.

مەویژن

جۆک دارینە

کوتەل ئاخینە

خوارن گیایێ شینە.

قەلینە

چوم گوندەکێ تاری

بەرێ خۆ کرە ئاقاری

حەفت ددان یێ ددەڤێ ماری.

جوتێ گایانە

حەلۆکا پشت شکەستی

یا بێ گوشت وهەستی.

مێری یە

خلنگ وملنگ

هەشت پێنە ودو لنگ.

جوتیارە

دارا ل ناڤ دارا

زەردکەت ژگوهارا.

گوهیشکە

دارە، نە دارە

سەر حولی یە، نە مارە

گیای دخوت، نە دەوارە.

کویسەلەیە

دەهـ دار ودو بەند

یا ب فێل وفەند

دکەت نێچیرێ بێ دەنگ.

سویتە: تەلیە

دەیک دینە

کچ هار ودینە

نەڤی کاکلا شرینە.

مێوا تری یە

رەشە وەک قیر

دفریت وەک تیر

چێدکەت کوتلکا وەک ژنا میر.

کێزگلولکە

زک سەر زک

دار ل کونک

شولێ ژنک.

دستارە

ژهێرڤە تاتە

ژوێڤە تاتە

دنیڤێدا پیرەفاتە.

کەنگرە

سێ برا ب شاشکەکێ.

خانکە: سێپێک

سەرڤە هوسی، دبنڤە پەراسی.

کڤارکە

قوپێ ب لنگەک

چو شەرێ گوندەکی.

بڤرە

قەسرا هشتی مشتی

دو مال تێدا روینشتی.

ناڤکا گویزێ یە

گاڤا دهێت میرە

دروینیت وەزیرە

دچیت فەقیرە.

بەفرە: وەفرە

گیسکێ گوڕی

ل نهالێ نڕی.

ئاشە

مەرەبینە مەرەبینە

دو دەست ودو پێنە

کەلەخە رح تێ نینە.

مەشکە

هەیبەت هەیبەت

ئاڤا بانا شلقا ژخۆ ددەت

هندی ب چنی کاتا ژخۆ ددەت.

ریهـ تراشینە

کومکرن وبەرهەڤکرنا:

ئەحمەد عەلی حەسەن: دهوک