مامک

مەتەلوک : مامک

دخۆت ب سەرێ خۆ وەردکەت

بەرسڤ : موخلکە

مەتەلوک : مامک

مامکێت درێژ

ئەو چیە؟

دهێت وەک خانە دانەکێ

دئەوریت وەک سولتانەکێ

دپێچیت وەک حێسیلەکێ

دچیت وەک دێهلەکێ

بەرسڤ: بەفرە

مەتەلوک : مامک

چ دبێژنە ڤێ ؟

 جومە سەر دارەکێ

دکەم هشکە هەوارەکێ

سەد مێر د هێن ب جارەکێ 

مەلەیە سەر منارێ

بتەڤە نیس

بەرسڤ : ناڤێ مروڤی یە

چومە بەحرەکا شین

دو سویار پێدا خشین

ئێک هەسپە ، ئێک ماهین

بەرسڤ : ئەسمان ، روژ ، هەیڤ

عەبدێ رەشێ ب گوهارەکى

بەرسڤ :سێلکا نانی   

ئەجیب ئەو ئەجیبە

ماهینا بشەش رکێبە

کوریەکا ب نیڤەکا پشتێ ڤە

بەرسڤ: تەرازیە، کێشەرە

هندى دکێشیت خلاس نابیت

بەرسڤ : تزبینە  

لاوکێ ئەرمانا

تو دگەری ل سەر بانا

قوین تیژترە ژ ددانا

بەرسڤ : تویپشکە 

چاڤ رەشێ دەشتێ

دو پێ گەهشتێ

ئێخستە سەر پشتێ

بەرسڤ : دەخل وگەنم دەمێ دورینێ  

ستوینەکە سەرستونەکێ

لسەر پەحنە دەشتەکێ

دەشت لسەر بستەکێ

بست لسەر رستەکێ

رستە لسەر مستەکێ

بەرسڤ: تەشیکە

سەر ئاڤەنوز

 بن ئاڤەنوز

چار چەنگی،  

فێل و فەنگەنوز

 بەرسڤ : کێڤژالە 

هەڵ هەلەێ هارە

رەش وێلێ سیارە

بەرسڤ : مەنجەلا سەر ئاگری  

ئەڵ ئەل لوهو دو بەرو دو مو

سنگێ شێرا ئەل ئەجیب ودرندەیە

بەرسڤ: چەک چەکیلە، شەڤ رەڤینکە

تەنیرا مەتێ

پەلەک کەتێ

دەستێ کەسێ نە گەهشتێ  

بەرسڤ : تڤەنگ  

مەنجەلا عەندەلى  

پڕچ پڕچ دکەلى

نە ئاگرە ، نە خولى

بەرسڤ : وەرزێ هاڤینێ  

چومە سەر هافرەکی

پێ من چو قولە بەرازەکی

حەفت کلیڵ دەڤێ بەرازەکی

بەرسڤ: سوارێ هەسپی یە

ماهینا مەلای  

بەردا چییای

زلەک نەهێلای

 بەرسڤ : گویزان ، دەف موزک

سینگێ شێرا

 چاڤێت مارا

 پر کەلەمە ، درندەیە

بەرسڤ : ماسىیە  

ئێک پی

لدەستی دو

پێ گەهشتێ

ئێخستە سەر پشتێ

بەرسڤ: گوڵیا گەنمی

سمورە ، سکی سکی

سەر دارەکا پندکی

هزار و ئێک ل زکی

بەرسڤ : هنارە 

مەزنێت وان مەزن نابن

بچیکێت وان بچیک نابن

بەرسڤ : چیانە

ئەز چومە دەشتێ

من دیت پیرەمێرەک

پشتیەکێ گوینیکا لسەر پشتێ

گوت من: ئەزێ دچمە بەحشتێ

بەرسڤ: ژوژی یە

تشتەکێ منو تشتانی

ل سەرمێزەرا سولتانی

ژ خودێ پێڤە نوزانی

بەرسڤ : بچیکێ د زکێ دەیکێدا  

هەسپێ سورە

یێ ناڤ چاڤ بەلەکە

بەرسڤ : ستێنگە   

هوڤە مل ، هوڤە مل

 د ناڤدا میر کوڤل

بەرسڤ : سەر و هەر دو مل  

ژبەفرێ سپی ترە

 ژ تەنیێ رەش ترە

بەرسڤ : قەشقەلانکە

ئەلەک ، مەلەک

شمتی وگوندور کرن گەلەک

میر سویارێ هەسپێ بەلەک

ژێ تێربون گەلەک

بەرسڤ: گرکێت هەڤیری

چومە مێرگا چییا

ژوردا هاتمە دوو کانییا

پاشی زڤریم کون رویڤییا

بەرسڤ :ئەنی وهەردوو چاڤ ودفن   

گاسمە  

دیوار سمە

بەرسڤ : مشکە

ڤی رەخی دیوارە

وی رەخی دیوارە

دنیڤەکێدا سەیێ هارە

بەرسڤ: زمان ودەڤ وددان

ئێکێ رازایە

ئێکێ روینشتی یە 

ئێکێ برێڤە دچیت

بەرسڤ : ماهین و سویار و جانیکا د زکیدا  

 ئەبا بەکرێ

 ل بەر دیواری

بەرسڤ : بەفرە

تڕشە مزە، هنار نینە

دبەحرێدا غەواس نینە

ب حوکمە حاکم نینە

بەرسڤ: دلە

ب سێ لنگە

بارێ ژنکە

بەرسڤ : خانکێ نان پەحتنێ یە

شوات و شیت و شەندەر 

کانوین و کیت و کەندەر

یا د هەلیت ، یا دادهێت

ئو یا پەزا مالا بابێ تێ دزێت

بەرسڤ : نەهن مەهێت ژنکا ب حال   

باژێرە ، بازار نینە  

 سیبەرە ،  حەتاڤ نینە

بەرسڤ : گورخانەیە

تەبەقا سەر تەبەقێ

یێ تێدا مارێ گەزەکێ

سەردا جوکێت بەنیانە

سەردا دەمارو دەریانە

بەرسڤ: سەرو چاڤن

ل خولوقینێ

لڤینێ ، ل بینێ

وەکی چویچکا سەر هێلینێ  

بەرسڤ : بچیکە د زکێ ماکێدا 

 یا زەرە

 دگوشتى را هاتە دەرە

 یا ب پەرە

 یا کێم سەرە

بەرسڤ : خزێمکا دفنێ یە

چومە رەخ شیڤەکێ

هەیڤەکا سەر هەیڤەکێ

کونا قوینی ل نیڤەکێ

بەرسڤ: ئاشە

سنگێ شێرا ، چاڤێت مارا

عەجایبە .. درندەیە

بەرسڤ : ماسیە

سێ تاسن

 سێ بن تاسن

 سێ نەینیکن

سێ رەقاسن

بەرسڤ : دەم هژمێرە ( سەعەتە )

ژ ڤێرێ حەتا بەغدایێ

د جانگی قوتایێ

بەرسڤ : جادەیە

شرینی ددارینی

گوه بەلو برێکەڤت

پی پەحنو ب دیف کەت

بەرسڤ: بارێ تری وکەر وخودان

نە ل ئەردى نە ل ئەسمانى

 دخۆت لەشێ ئینسانى

بەرسڤ : خەمە

دارا دناڤ دارا

ژێ دهێت دەنگێ برین دارا

بەرسڤ : مێشا هنگڤینی

چومە سەرێ ملەکێ

دکەم حشکە هەوارەکێ

پێنج برا دهێن بجارەکێ

ل سەرپشتێ حەلانەکێ

بەرسڤ: تبڵ ونینوکن

مەنجەلا جفتێ

قرێن کەڤتێ

بەرسڤ :عەورن

تەنیرا زمزمی

تژی نانێ گەنمی

بەرسڤ : گویزە  

یێ ل سەرێ زویرى

 سەر مەزنترە ژعویرى

بەرسڤ : مێریە  

چومە شکەفتەکا تاری

تژی تێدا مراری

بەرسڤ : دەڤ و ددان

دەهان دارو دو بەند

هەمی فێڵ وفەند

خلاسکرن ل چیای شاز بەند

بەرسڤ: سویتا کەوانە

خشت و پشت

 چو وێراهە روینشت

جەریفکە یان گێزکێ مالینێ یە

سەبەتا ل سەر سەبەتێ  

 کلیلکا دەستێ مەتێ

بەرسڤ : دستارە

کەر زرى

 پشکل فرى

بەرسڤ : تڤەنگە 

گەرم دکەت سار دکەت

شینو شادی وەک هەڤ دکەت

قویناغا درێژ کورت دکەت

بەرسڤ: تمبێلە

شەش بەندکو بەندلک  

 دوو نان وکوتلکەک 

بەرسڤ : تەرازیا داری یە 

بەحرا شینە

ئاڤ تێ نینە

بەرسڤ : کەزوانە

نە ل ئەردی یە، نە ل ئەسمانی

هەر ساڵ دەستێ خودانی

ل گوندا دەمی زڤستانی

بەرسڤ: باگوردانە

من دیت و تە نە دیت

  تە دیت و من نەدیت

بەرسڤ : ستافکا مروڤی یە  

ل ئاڤێ بدەى تەر نابیت

ل بەرى بدەى کەر نابیت

بەرسڤ : سیتافکە

هێلینا شڤ شڤ ماری

نە ل بەروژێ، نە ل نزاری

میر وحاکما ئاڤا ژێ ڤەخاری

بەرسڤ: شیرێ دەیکێ یە

دور تە د هێت  

 تنێ تە نا مێت    

بەرسڤ : شویتکە  ئان قایێشە 

سەر گڵ گەلە

 بن گەڵ گەلە

چاڤ سورێ  

سمبێڵ بەلە

بەرسڤ : کێڤریشکە

هیلینا شڤ شڤ داری نە

نە ل بەروژی نە ل نزاری

نە ل بن توێسی، نە ل بن کیڤاری

بەرسڤ: ماسیە

هینی مینی 

یا رەشە ل بن کوینی 

ئەز دبینم تو نابینی 

بەرسڤ : چاڤە 

قورئانا دنێ 

نەدهێتە خواندنێ

نە دهێتە خوارنێ

بەرسڤ : کڤارکە

سەر ئاسنە بن دارە

بەرسڤ : درێژک   

وی خودێ ل سەر مە

گارانەک دانا بەر مە

یا ژهەمیا ب چیک تر

یا حەفت جەرمە

بەرسڤ: پیڤازە

چوومە دنیڤا رێدا

عەجێب یەکا درێدا

 چرک ، خۆ ل باقێ دا

بەرسڤ : تەڵهە  

 تشتانوک مشتانوک 

لبن کەڤری خشتانوک

بەرسڤ : شەیتانوک ، قەشقیلک 

کانیکا ل نزارى

خرا ئاڤ ژێ ڤەخارى

بەرسڤ : چچکێت ژنکێ نە

رەشە رەشە وەکی قیر

سپیە سپیە وەکی شیر

دچیت دچیت وەکی میر

بەرسڤ : قژک ، قەشقلانک

تەنیر ئاخین

دو کوچک دارین

بو بهێرک چەرمین

بەرسڤ: قەلوینە

خانیەکێ گروڤر وسپییە

پێ پەنجەرە ئو بێ دەری

تێدا روینشتی یە بیکەکا زەری

بەرسڤ : هێکە

سندریکا لسەر سندریکێ

 کلیلا ددەستێ بیکێ

بەرسڤ : دستارە

سپیە نە کەشکە

گوهبەلە نە مشکە

بهارا تەرە، پائیزا حشکە

بەرسڤ: شەیتانوکە

تشتەکێ منێ هەی

بن ئاخە ، نیڤ شاخە ، سەر زێرە

بەرسڤ : بنا گەنمی یە

دارا لناف دارا

ژێ دهێت دەنگێ بریندارا

بەرسڤ : مێشا هنگڤینى یە  

کالویە کەتی دەشتێ

بارێ ستریان ل پشتێ

بەرسڤ : ژژیە

هلندر وملندر

کور ژ بابێ مەزنتر

بەرسڤ : کولندە 

ئاڤە نە ئاڤە

نانێ میری دناڤە

تەیرێ زێرین لهنداڤە

بەرسڤ: لەمپە

تشتەکێ منێ هەی

هەر دەم ل مالە

گەهە شرینە، گەهە تالە

بەرسڤ : زمانە 

چیایێ بێ کەڤر

دەریایا بێ ئاڤ

دارستانا بێ دار

باژێرێ بێ مروڤ

بەرسڤ : نەخشە

حەتا تبلێت خو نەکەیە دچاڤێت گورگیرا 

زکێ میهێ شەق ناکەت دنیڤێرا 

بەرسڤ : مەقەسە 

رەقە بەر نینە

هێکا دکەت مریشک نینە

گیای دخوت کار نینە

بەرسڤ: کیسەلەیە

باژارە ، باژار نینە  

 سیبەرە حەتاڤ نینە  

بەرسڤ : سەرکولافکە 

دارا دو تایە 

تە هەلدایە 

بەرسڤ : بەنتەرونە 

نە پێ نە، نە دەستن

هەچیا بێژن ژێ تێتن

سەر بو گرارێ، بن بو کریارێ

 بەرسڤ: ستێرکە

رەزێ بێ بەر 

بەرسڤ : هێسترە 

ل ماخا ب دیواری

چار چڤێ ب کێری

وه‌کی ده‌ری

ڕۆژ ژێ دباری

تێدا دچیت‌ تاری

 بەرسڤ: په‌نجه‌ره‌  

ژ فلکلورێ کوردی

  Kurdish Folklorecollected and  adapted  :AHMED AL 

تشتانوک

 تشته‌ک خوشکوک هه‌یه‌

خوه‌دێ ئه‌و دایه‌

زانا و ڕۆنیه‌

هه‌فت ده‌ر لێ یه‌

یێ نه‌زانیت بێ مێژی یه‌

 بەرسڤ : سه‌رە

هوردا موردا

ب ژوردانیدا

دکەتە غاردا

بەرسڤ: بارانە

ژشەکرێ شرینترێ

ژئاسنی گرانرترێ

بەرسڤ : خەوە

هەڵ ڤادرا، هەڵ ڤادرا

باریت کویڤیا، گوهێت کەرا

دێ ژێ ئینمە دەرێ جەحشێت ماکەرا

بەرسڤ: کیڤریشکە

ئەگەر تە گرێدا دێ چیت

 ئەگەر تە نە گرێدا ناچیت

بەرسڤ : پێلاڤە 

 ژ گۆشت وهه‌ستی یه‌

پێنج شاخ بده‌ستی یه‌

سه‌د وئێک هونه‌رلێ یه‌

ل حه‌یوانا پێ یه‌

‌بێژن ئه‌ڤە چیه‌ ؟

 بەرسڤ :  تل وده‌ست

ئاسن وبزن

پیرە کالی مەزن 

هەمی پێگڤە د بەزن

چوت وچوتیار   

ئەو رەخ گەلەک، ئەڤ رەخ گەلەک

یێ د نیڤەکێ دا فەلەک

بەرسڤ: ئەزمان

جێوینه‌ ل کێله‌کن  

نه‌ گۆشتن ، لێ نه‌رمکن  

ده‌نگان کۆم دکن

ئه‌ڤە چیه‌؟ دێ‌ فا‌م بکن 

 بەرسڤ: گوهە 

هێڤە دارە، ویڤە دارە

د نیڤێدا گورگێ هارە

بەرسڤ : منشارە 

نە خوینە، نە گوشتە

حەفت پەراسی ل پشتە

ئەو چ تشتە

بەرسڤ: بەلگێت چولی نە

  نه‌ ده‌ستن، لێ وه‌ک هه‌ڤە

نه‌ شه‌ یه‌، وه‌ک مه‌لێڤە  ‌

په‌هن دبه‌ ب ئه‌ردێ ڤه‌

مرۆڤ د پیڤه‌ گاڤە  

  بەرسڤ : لنگە

یێ ب سێ لنگا

یاریێ ژنکا

بەرسڤ : خانکێ نانی

گوندەکێ کەسکە

ئاڤا وێ یا سۆرە

خەلکێ وێ یێ رەشە

کلیلکا وی ئاسنە

بەرسڤ : شمتیە – زەبەشە

 وه‌ک ستێرا دچرسکە  

ده‌ریێ وێ وه‌ک بریسکە  

ڕۆندکا دهاڤێت وه‌ک نیسکە 

لسه‌ر دله‌قیت‌ بری وبسکە  

ئەو کییە وێ ناسکه  

 بەرسڤ : چاڤ

کانیا نە ل بەروژ، نە ل نزاری

هەچیێ هات وئاڤ ژی ڤەخاری

بەسڤ: چچکێت دەیکێ

سەر گەل گەلە

بن گەل گەلە

چاڤ سۆرێ سمبێل بەلە

بەرسڤ : کیڤریشکە

 خماڤ وخار

لاستیک و دار

تلی لێ هه‌وار

ل کاخزێ بار

تیپێن یار وهار

دگرن ڕێز وتار

 بەرسڤ : قەلەمە  

ئەو چ دیزکە من دانای لسەرچیای

گرێڵ کری دندکەک لێ نە رژیای

بەرسڤ: هنارە

ل ئاڤێ بدەی تەر نابیت

ل بەری بدەی کەر نابیت

بەرسڤ : سیتافکە

 پر په‌لێت سیس

ناڤێ وێ لێنڤیس

ژ بۆ پێنڤیس

دکه‌ڤته‌ کیس

 بەرسڤ : دەفتەر

 بابێ مری، دکنجرا وەرکری

 دبن ئاخێرا کری

بەرسڤ: پیڤوکە

دەما سەر نشیڤ دکەی تژی دبیت

دەما سەر ئەڤراز دکەی خالی دبیت

بەرسڤ : کولاڤە

 وه‌کی پرپه‌لە ‌

نڤیس لێ به‌ لە 

ب به‌ند وبالە ‌

ژ ته‌ڕه‌ هه‌ڤالە  

 بەرسڤ : پەرتوکە   

 تشتانوک ومەتەلوک دگەلدا بەرسڤوک:

من تشتەکێ هەی:

پێنج برا دهێن ژدەشتێ

هەر ئێکی حەلانەکێ ل پشتێ

بەرسڤ : تبل ونینوکن

 می زا. میهێ زا

„لاستیکه‌کا نه‌رمە 

رادکەت چڤێ قه‌له‌مە

 بەرسڤ : ژێبر

سەر ئاڤێ را دچیت سیهێ نادەت

بەرسڤ : دەنگ 

جوما، کاچو. جەهو ما لوێرێ، ئو چو کا

سێ پلا پانە، تەنگو تەنگە تەنگە.   تەنگ

هەسپێ سپی بارێ کەسک

بەرسڤ : پیڤاز تەرک

 نه‌ ب هه‌ست و گێژی

ب پیڤان و مێژی

قه‌له‌ما ڕادهێژی

ژ بۆ ڕاست به‌ درێژی 

 بەرسڤ : راستکێش

پێچو، ماشین. پێ چو، ما ل وێرێ شین پێ

ئاخلنگ وئاخلنگ

چار دەستن شەش لنگ

ئەردی دکەنە حنگە حنگ

ئاڤا دکەت باژێر وگوندک

بەرسڤ : جوتیار 

وه‌ک شڤانێ به‌رخکا

دنێره‌ ل زارۆکا

فێردکه‌ هێدی کا

زانین وتشتکا

 بەرسڤ : مامۆستا یە‌

یێ بن کونە، سەر تیژە، گێژە بێژە شیژنە. شیژن

نە درێژکە گێژو درێژکە.  وەک شیژنێ یە بو چێکرنا کالکا

ئاوایێ ماخ وهۆلێ

ژ زاروکانرا‌ وه‌ک مالێ

کورسی و مێزە‌ ل بالێ

جیهێ فێربوونا سالێ  

بەرسڤ : پۆلە

سەری تەسکە بنی پێلاڤە، گێژو بێژە کولاڤە. کولاڤ

یێ ب تەڤە ب تەڤە نینە

تو یێ ساخی ب تەڤە نینە

تو یێ مری ب تەڤە نینە

یێ ب تەڤە ب تەڤە نینە

بەرسڤ : ناڤ 

دەری دارە، دناڤدا قورە، فامکە خشتبرە. مەلبەنە، قالبە

ل دبیستانە ‌

هین جیوانە 

ل به‌ندانە ‌

دڤێ بزانه‌

ده‌و ودۆزانە  

بەرسڤ : خوینده‌کار

کا نوکا نە، کا نوکا نە، چیێ نەزانی دێوانە!  کایا نوکانە

قەسرا سپی یە، بێ دەری یە

بەرسڤ : هێکە

کا چو ما دان.  کا دکەڤتە رەخەکی و دان دمینیت لوێرێ

کا چو ما نوک.  کا دکەڤتە رەخەکی و نوک دمینیت لوێرێ

سەر بەرە بەر نینە

بن بەرە بەر نینە

هێکا دکەت مریشک نینە

گیای دخوت کارک نینە

بەرسڤ : کیسەلە

ل دیوارە ‌

نه‌ که‌وارە 

قۆر ب قۆرە 

وه‌کی په‌رە ‌

تشت لسه‌رە ‌

بەرسڤ : ته‌رگە

کەر سێ، تێر سێ، مێر سێ. کەر، تێر، مێرک( مروڤ) سێنە

 ڤەگهوازتی: که‌سکه‌سۆر

( تشتانوک )

مەتەلوکێت نویژەن

کارێ وی ل چول ودەشتە

کوریا گایا گەهشتە

خودانی ل دیڤدا پشتە پشتە

بەرسڤ : هنجارە

دەستک دارە، سەر بزمارە، سپی یە و درێژە. گێژو درێشکە. درێشکە

هولک مسولک

مامێ تە یێ دفن گولگ

بەرسڤ : چێڵ

پڕ تەعانە، پڕ تەعانە، چیێ نەزانی دێوانە!  پرا هاتیە ئاڤاکرن ب تەعانی

پەزێ مام حەما

مال ناڤ چەما

هەتا سپێدێ کت ژێ نەما

بەرسڤ : ستێرن

یێ ب ئوشوی ڤە ...جوتە

بەلوی ڤە کورتو ...قوتە

ب مروڤی ڤە یێ ... مس متە

بەرسڤ : گوهن

تشتەکێ منو تشتوکە، یێ ب کولاڤ ودەرسوکە، ناڤێ وی زرچەپوکە، نە بێژە نوکە. نوکە

ئەو چ تشتە؟

دمززمیت وئەردی دسمیت

بەرسڤ : دلوپ 

ددەستدا یا درێژە

ددەڤدا مێژە مێژە

دسێنگیدا پڕ قرێژە

بەرسڤ : جگارە

هەکو دهێت وەزیرە

هەکو درینیت حاکمە

هەکو دچیت فەقیرە

بەرسڤ : بەفر 

زڤستانێ ئەو یارە، یێ دیارە 

هاڤینێ گەرمە ئەو زور شەرمە

بەرسڤ : گلدەیە ( جلکێت ستویر)

 ئاڤه‌‌ .. نه‌ ئاڤه

 طهیرێ زێری ل هنداڤه

بەرسڤ : لەمپە، فانوس

ژێ دهێن روندکێت چاڤا

دکەتە تەقن وشێل بەر گاڤا

مشە دکەت ل ئەردی ئاڤا

بەرسڤ : عەورن

  نه‌ ل عهردی یه‌‌  

 نه‌ ل عهسمانی

ناڤ میزەرا سولتانی

بەرسڤ : زاروک دزکێ ماکێدا

ل هەمی رەخا دەپ وتەختە

ل بن خەنجەر ورەختە

کومێ د کەتە ئارو پوختە

بەرسڤ : جەنجەرە

سەر ئاسنە نەژیژنە

بن دار نەگێسە

ئەو چییە؟

 بەرسڤ : درێژک  

خیزی چەما

 سپێدێ رابوم کت ژێ نەما  

بەرسڤ : ستێرن

ئەو چیە دڤێت مروڤ ژ دەستێ خو نە کەت؟

جار بەشی ، جار ب سور بەشی

بەرسڤ : دەلیڤە

دههژیێت، بەس نابژیێت

بەرسڤ : دونیا وڤەلەرزین  

دو مەلا ب شاش کەکێ، دوانزدە ناعور دئاشە کێ، پێنجی وئێک پێ د پێلاڤەکێ

بەرسڤ: روژ وهەیڤ، دوانزدە هەیڤ دسالێدا، ئو پێنجی وئێک حەفتی دسالێدا

 مامکێت کورت

ئەسمانێ تاری، ستێر لێ بارین

بەرسڤ: تەنیرە

هڕ وبا دمامکێت کوردیدا

گەرم بیت، ساربیت خراب نابیت

بەرسڤ: بایە

نە خارنە، نە ڤەخارنە

رەحەت نابیت چ جارا نە

بەرسڤ: بایە

کەسێ نابینیت

هەمی تشتا دهەژێنیت

بەرسڤ: بایە

قەسرا مالشتی، دو فەقی تێدا روینشتی

بەرسڤ: گویزە

نە دەستن، نە پێ نە

 هەر ئەردێ حەزدکەت لێ نە

بەرسڤ: بایە

ئەگەر نە بیت بو دمریت

هندی هەبیت پێ تێر نابیت

بەرسڤ: بایە

ژڤێرێ حەتا خالکا، هەمی پنێت کالکا

بەرسڤ: بەلگێت چولی

دەمێ نەهێت مروڤ بو دمریت

دەمێ دهێت مروڤ ژبەر درەڤیت

بەرسڤ: بایە

رەشە رەش نینە

سپی یە سپی نینە

نە ل ئەردی یە

نە ل ئەسمانی یە

کەس ب چاڤا نابینیت

ژیانێ دگەل خو تینیت

بەرسڤ: بایە

نە خوینە، نە گوشتە

بارێ ژهەمیا گرانتر دهەگریت

بەرسڤ: بایە

بلند بفریت نزم بفریت

هەر دور تە دزڤریت

بەرسڤ: بایە

نە دەستن، نە پێنە

ژیان بێ وی نینە

بەرسڤ: بایە

نە دەستن، نە پێنە

ژێهەڵ وژوردا دهێت

کەس نابینیت

بەەسڤ: بایە

سێ برا ب شاشکەکێ نە

بەرسڤ: سێ پێبکە

تشتێ منو تشتو، کۆر ژبابێ مەزنترو

بەرسڤ: کولندە

سندوقا سلیمانی، نە ل ئەردی، نە ل ئەسمانی

بەرسڤ: هنارە

شەمامکو شەپ، ل دویواری کر شرەپ

بەرسڤ: کلمیشە

ماهین ل سەر بانی، کورک ل خانی

بەرسڤ: رۆژ وتیروژک

چومە گوندێ ژێری، ژنا ل سەر مێری

بەرسڤ: دستارە

بنیاد ئاسنە، دیوار گوشتە، سیڤاندە گەنم

بەرسڤ: ناڵ وهێستر وبارێ گەنمی

عەربێ لێڤ دەق دای، سەر دەیکا تە رازای

بەرسڤ: لحێفە، راکێشکە

ژشەکرێ شرینترە، ژمرنێ خراپ ترە

بەرسڤ: خەوە

هندی تبلەکێ، تژی خانیەکێ

بەرسڤ: چرایە

دحڕیت دنڕیت، بو سەدێت وەکی من وتە دریت

بەرسڤ: ئاشە

هو دونە، مودونە، چیچکا دەحلا زڕ چونە

بەرسڤ: چورکنەیە

بێ پێ، بێ پانی، سەر کەڤتە سەربانی

بەرسڤ: باگوردانە

چاڤێت مارا، سنگێ شێرا، عەجیبی ودرندە

بەرسڤ: ماسیە

هوم هومە، دیوار سمە

بەرسڤ: دوکێلە

ئارتیک بەروار تیک، شێخ حەسنێ دەڤ رویتک

بەرسڤ: سڤورە 

نە دەستن، نە پێنە، ب ژوردانیدا دهێنە

بەرسڤ: بەفر وبارانە

حشکە نەشێم بکوژم، شرینە نەشێم پاڤێژم

بەرسڤ: دراڤ وپارەیە

ئێک توی، هزار توی، ب سانەهی تێ دچی

بەرسڤ: پیڤازە

سەرڤە ئێکە ژبن ڤە دو، ناڤ لنگێت بابێ تە هەلچو

بەرسڤ: شەلوالە

شکەفتەکا تژی گوپاڵ، چ وەسا نینە بدەمە لەپ وپاڵ

بەرسڤ: شاخێت بزنا

سەر مازیکێ ستو دەرزیک، ب چیاڤە هەڵ دبەزیت

بەرسڤ: کەوە

حەفت پەراسی ل پشتە، نە خوینە نە گوشتە

بەرسڤ: بەلگێت چولی

سێ سەدو شێست وشەش لەگلەگە، دوازدە هێلین وهەر هێکەکە

بەرسڤ: ساڵ ومەهو روژ

حەیدەر حەیدەرە ، دو کراس سپی ئێک زەرە

بەرسڤ: هێکە

درێژ دکەت نا گەهتێ، دچەمینیت دگەهتێ

بەرسڤ: دەست ودفن

چومە رەخێ گوندەکی، حەفت تبلێت ددەڤێ مارەکی

بەرسڤ: ملهێبە

بابێ تە ل دیوانی، گونێت وی ل کولانێ

بەرسڤ: کولندە

ئەز لڤی رەخی، تو لوی رەخی، یێ ل نیڤەکێ دا پەنخی

بەرسڤ: کوچک ودار ل سەرئاگری

نە دەڤە، نە ئەزمانە، بو ئاخڤتنێ لەب لەبانە

بەرسڤ: رادیو

دونیا خڕدچیتە تێدا،بەس قەفتەکا پیشی ناچیت تێدا

بەرسڤ: گوهن

سەرێ وێ دکوشاتە، گویێ وێ دڤەتە

بەرسڤ: مەشک ونیڤشکە

ئودا شویشتی وڤەشویشتی، دو بەگزادە تێدا روینشتی

بەرسڤ: گویزە

شمشاقا، دهاڤێتە تاقا

بەرسڤ: کلمیشە

پەزێ حەما، بەردا چەما، حەتا سپێدێ کت ژێ نەما

بەرسڤ: ستێرن

سوبحان ژوی خالقی، دار نەبو ژدارێ خولقی

بەرسڤ: بێوکانە

پڕتانە پڕتانە، هەچیێ نە زانیت حەیوانە

بەرسڤ: پڕە

من بابێ تە دیت درێدان، حەفت گرێ لێدان

بەرسڤ: شویتکە

ئەلەندەر ومەلەندەر، کور ژبابێ بلندتر

بەرسڤ: هاون ودەستک

بلند بیت، دبیتە چیا، نزم دبیت دبیتە گیا

بەرسڤ: کوینە

نە کەرە، نە هێسترە، بارێ وێ ژهەمیا مەزنترە

بەرسڤ: پێسترکە

تەیرەک هات، نانەک پات، نە شکرە ونە نەبات

بەرسڤ: مێشا هنگڤینی

سندریکا ل سەر سندریکێ، کلیلکا ل دەستێ بیکێ

بەرسڤ: دستارە

نە ل ئەردی یە، نە ل ئەسمانی، کەس ژخودێ پێڤەتر نزانی

بەرسڤ: ژنکا بحالە

کونجا تاری، بەفر لێ باری

بەرسڤ: دەڤ

کەڤلێ نێری ساخ دارە، هەلدە دراوستیت بە دارە

بەرسڤ: مەشکە