نارینک

نارینک

     نارینک وەک حەیرانوک وهەلبەست وسترانا ولاڤژ ومەقاما رەنگەکێ هوزان ڤەهاندنێ یە. هەر دەڤەرەکێ جورێ خو یێ تایبەتێ هەی. یا هاتیە لێکدان وراچاندن بو شەهیانە بتایبەت بو بویک وزاڤا بەری دگەل وپشتی ڤەگهوازتنێ. دو جوینێت ژنکا بەشدار دبن بو بێژنا ڤان نارینکا. هندەک دبێژن وچەندەک لێ ڤەدگێرن ژدەست پێکێ هەتا دیماهیکی، دەما بیکێ دگەهینە مالا بابێ زاڤای.

    پەیڤێت سترانا نارینکێ بارا پتر سەر خەمل وکوکێ بیکێ یە، سەرسالوقدانێت جان وخوشکوکیا وێیە، بەژن وبالایا وێیە، 

سەر رەوش ورەوشتێت وێیە. ئەڤ دارژتنا هوزانێ یا هاتی ب زمانکێ رەسن ورەوان یا بێ گرێک ونهینی. یا سڤک 

وکورتە بارا پتر یا سێ رێزی یە. 

   ئەڤ رەنگە نارینک زورا کێم بوی دناڤ شەهیانێت نوکە دا چنکی هەمی نەشین بدرستی بینن ئو گەلەک تشتێت دی 

جهێ وێ یێ گرتی. ئو ژبەر گەلەک ئەگەرێت دی یێ جهێ خو کری بەرامبەر. بەس یا گرنگە بێتە کولین ڤەکولین دەڤ 

زانایێت ڤی جورێ هوزانا. 

ئەڤ نارینکێت ژێری دێ دەمە بەر چاڤێت خویندەوارێت مە یێ بەرێز یێت من ژزاردەڤێ دەیکا خو یا رەحمەت ودلوڤان 

وەرگرتن بەری چڵ سالان ئو وێ یێت بو من گوتن ب سەدان جارا چنکی ئەو ئێک ژوان ژنکێت سەرکی بو دبەشداربونا 

ڤان ئاهنگادا ل دەهواتا ل گوندا. من نڤێسی بون ئو نوکە دێ دەمە بەر چاڤێت هەوە. بەداخەوە من شلیتەکا خومال تومارکربو ب دەنگێ دەیکا خو 

بەلێ نەما ژبەر هندەک ئەگەرا، هیڤی دارم سودێ ژێ وەرگرن.  

  نڤێسن وبەرهەڤکرن ژ لایێ منڤە (ئەحمەد عەلی) ژزار دەڤێ دەیکا من رەحمەت لێ بن.  

٢٤ /١٠ / ٢٠١٦ دهوک - ئەحمەد عەلی

نارینکا ئورەماریا 

نارینێ ئاڤکا خش خاشا

مە هەلکێشا ب ئورگاشا

نارینێ تو ژمالێت پاشا  

نارینێ شەمالا شەڤێ

نارینێ ئاڤکا د بیراوو

مە هەلکێشا ب زنجیراوو

نارین ژمالێت میراوو

نارینێ شەمالا شەڤێ

هێزل وگومل برانە

ل دەشتا زیهێ دو طانە 

نارین ژمالێت پاشانە

نارینێ شەمالا شەڤێ

چومە لاتا ب بەیبوینە

مە دوڕین جوین بە جوینە

شالا زاڤای مە گرینە

 نارینێ شەمالا شەڤێ

ئەم چوینە لاتا ب نێرگزە

مە دوڕین گورز بە گورزە

نێ شالا زاڤای قورمزە

نارینێ شەمالا شەڤێ

نارینکا دهوکیا

رێکا میسل کورسی          نارێ هەی نارێ

زاڤا تێتو د ترسی             نارێ هەی نارێ

بویک ئینا ب زکێ برسی   نارێ هەی نارێ

رێکا میسل طاطە            نارێ هەی نارێ

زاڤا تێرا هاتە                نارێ هەی نارێ

ماهین شەش خەلاتە         نارێ هەی نارێ  

رێکا میسل دەرزی          نارێ هەی نارێ

زاڤا تێتو د لەرزی           نارێ هەی نارێ

مە ئینا سەرێ ب کەزی    نارێ هەی نارێ

دهوکێ یا ل بن چیایێ      نارێ هەی نارێ

نەفەلێ پالدا یە گیایێ       نارێ هەی نارێ

عونفەرم بو بابێ زاڤایێ    نارێ هەی نارێ

دهوکێ د بەردا ئاڤە     نارێ هەی نارێ

سویار وپەیا دا ناڤە     نارێ هەی نارێ

سویارو خو بدە پاشە   نارێ هەی نارێ

سویارو بدە شاباشە     نارێ هەی نارێ

دێ بینە ژور  دێ بینە ژور

بیکا مە یا جانە دێ بینە ژور

دایکا وێ خداما کەزیکێت شور

دویماهی

راکەن رێکا مە یا زراڤە

شین بوزێ، ب هلینە گاڤا

ئەم چوین سەد جار مالی ئاڤا 

راکەن رێکا مە یا دویرە

یا دهێتن بارانەکاا هوێرە

قوتکێ نارینێ مەخمیرە

های هەرزە، هەرزە

مالا دانا پشت وەرزە

درەنگە کوچەرێ بلەزە

نارینا منێ بێ دایێ

بێ تەکبیرێ بێ دایێ

تە ئاگر بەردا دنیایێ

کا بێژنە دەیکا زاڤایێ

کانێ جهێ تە دانایێ

بیک هات وراوستیایێ

هەی گوندو، گوندو

لێ دخوینیت تەیرێ کوندو

مە ژێ بر بەژن بلندو

نارینێ ژمالێت مال دارا

خەناکا دتەفسی وترارا

سەماوی دبەنک وگوهارا

ئەو قەسکێ وەکی ئاڤێ

مە تێرا دیتن چاڤێ

تە پیروز بیت ئەو ناڤێ

ئەو قەسکێ وەکی خویوو

مە تێرا دیتن رویوو

تە پیروز بیت ئەو شویوو

ئەو قەسکێ وەکی دەزی

مە تێرا دیتن کەزی

تە پیروز بیت ئەو خەسی

خانیێ دایکا دەلالا

سینگ هەیڤوکا ل کەندالا

بیکا مە ژمالێت مالدارا

خانیێ دایکا جوندییا

سینگ هەیڤوکا لکیرییا

بیکا مە ژمالێت عەسلییا

گوندکێ مە گوندێ نە مەردا

بەند کەکی پاڤێنە دبەردا 

روی رەشبن لهەمی عەردا

ژڤێرێ حەتا لێڤێ یوو

خوش تێت دەنگێ دەفێ یوو

نارینێ بیکا سالێ یوو

دو بێژن  بلا دو ڤەگێرن

ناڤ مالی سویک وباژێرن

نەختێ نارێ چل زێرن

هەی نارێ ، هەی نارین

بەس روندکا دا بارین

خەلکی ئەم ب لوما خارین

نارین کچکا خێزانا

ئاڤەرمیشێ بەر دوکانا

کەعێلا ل دەستێ نەزانا

سەرسپیێ خودێ دحەبینی

تو بیکا مە باش ب خەملینی 

کەیفا خەلکی ب مە نەئینی

خانیێ بابا خانە

ئەڤ شەڤە نار مێڤانە

سوباهی دەمێ خاترانە 

نارینێ گەنمێ گری

خەسی ژبیکێ چێتری

دڤێت قەدرێ وێ بگری

سەرکێ زاڤای

ئەڤ جارە راستە راستە

کەکێ منو ئەڤ  جار راستە

میهگەلا شیر کرە ماستە

مە نارین ڤەگوهاستە

گرکێ مە یێ ب کەزانە

کەکێ منو گرکێ ب کەزانە

چێ زاڤا کەکێ نە زانە

بشکوژ ڤەکرن ب ددانە

گرکێ مە یێ ب حولیکە

کەکێ منو گرکێ بحولیکە 

چێ زاڤاکەکێ بچیکە

بشکوژ ڤەکرن بنوینیکە

نە بێژە نەبێژە رەشە

کەکێ منو نە بێژە رەشە

بەندكێ پەریا تە ب نەخشە

ژنکا تە یا ژ گولێت گەشە

زاڤاوو ژمالێت ماما

شەکرا ژهەمی تەعاما 

عەزیزێ خویشک ودوتماما

زاڤا مە ئینا سەر شویێ

مە لێ رەشاند ئاڤکا نیمویێ 

 زەلام ئەڤێ دبێژن :

بینە دەرێ ژخانی

سویارکەن ل جانی

پیروز کەن ل خودانی

بینە دەرێ ژکولی

سویارکەن ل گولی

ببەین بو لێڤ حنجولی

ئەو کیە دهێتو ل دورێت باژێرا

دیارە د هێتو ل دورێت باژێرا

دیار دهێتو شەش خولام ژێرا

ئەو کیە د تیروکا مە رانی

دیارە دتیروکا مە رانی

کورکی ب عەرەبی نەزانی  

     نڤێسن وبەرهەڤکرن ژ لایێ منڤە ( ئەحمەد عەلی )  ژ زار دەڤێ دەیکا من، ماڤ یێ پاراستی یە.  

٢٤ /١٠ / ٢٠١٦ دهوک

نارینکا کوردا   

یا رابوی یا راوستیایێ

دەستێت خو یێت داهێلایێ 

یا مای ل هیڤیا زاڤایێ

یا رابوی چەندا کێمە

کەپیێ نارێ ب خزێمە

برا زاڤا پشتێ لێ بێنە

یا رابوی چەندا بلندە

تە بەژن شەمال وفندە

نارینێ ئاڤا کر گوندە

نارین مە ئینا بەر دەری

تێکل بون گەفک وتەمبەری

دای نەبو، باب چو سەری

نارینێ ، نارینێ نارینێ

جەرک ژکێنێ کون پەقینێ

خو بگرە ل سەر ماهینێ

نارینێ قەسرا ل خیزی

هاتنە تە مەلکا یێزی

مەدان دراڤێت ئنگلیزی

ئەمێ دهاتن تەوو 

تو بکە کارێ خوو

گریاتە بێ فایدەوو 

ئەمێ د هاتن تە ببینن

بهنەکێ دەف تە روینن

بهنا دی تە بخەملینن

تە ژدەیبابا ب ستینن

ئەمێ دهاتن تە نیاس کەین

ب کورتەک وکراس کەین

تە ژمالا بابێ خلاس کەین

نارینێ هەڤال گۆری

گولی ژگولێت سۆری

خاتینی لحەوالێت ژۆری

ئەزهەڤال کا تە نابم

کوترکا پێ بشەرابم

کوچەرم گوندی نابم

ئەز هەڤالا تە نینم

کوترکا شاپەر شینم

کیڤی مە، کەهی نینم

کانین وهەر دو چری

شولەکە خودێ حەزکری

دایک وباب ژێک ڤەکری

کانین چل وچارن

زاڤای روژ هژمارن

کچک ژمالێ دبێ بارن

نارینا منێ بێ عەیبێ

تە کەزی ژدارا ملهێبێ

پێ خو پاڤێژە رکێبێ

نارین مە دانا قورنتێ

دو روندک ژچاڤا کەتێ

نارینێ سەرێ دەولەتێ

نارینێ قەت نە لورینە

دایباب پالێت پویشینە

کچ هەرمالێ خەلکینە

نارینێ نار وە ناکەت

سەری ژگریێ ڤەناکەت

مال بابێ خەریب ناکەت

هەی نارێ نارێ نارێ

ب هلینە طایێ چارێ

دا ئەز ببینم دیندارێ

نارینێ کولیلکا چیایێ 

پەز کیڤیا پی لێ نایێ

نارینێ دیاریا زاڤایێ

نارینێ کولیلکا نە فەلێ

یا شین بوی لدەشتا گەڤەلێ

نەخش ل کچکێت مەحەلێ

نارینێ کولیلکا هێرویێ

یا شین بوی دلێڤا جویێ

مال بابا نارێ ل زاخویێ

نارینێ کولیلکا نیسانێ

یا شین بوی ل پشتا بانێ

مال بابا نارینێ ل دو بانێ

ژڤێرێ حەتا زیناڤا

مە زێر کرنە سەر دراڤا

ئەم چوین سەد مالی ئاڤا

خانیکێ بابا زنجوو

دایێ لێنا برنجوو

لبەر بویکا بو قولنجو

خانیکێ هونی وهوسی

بیک هات ولێ تەحسی

دەڤێ بەر بیکا قەرسی

گوندێ مە قەسرا سپی یە

عەلی مال خویێ گوندی یە

مە بیک بر ب هیڤی یە

گوندێ مە قەسرا بەلەکە

مە دانا یێ ب تڤەنگە

عەلی مال خویێ گەلەکە

خانیکێ سەر کولانێ

دەهواتی دا جریانێ

بو روژا ئاخر زەمانێ

گوندێ مە دبەر دا دەشتە

ل ڤان سویارا پەشتە پەشتە

سینگێ نارێ نێ بەحشتە

کوچکێ بابا کەلشتی

دو نوک تێدا برشتی

بیک برسەر نە شویشتی

خانیکێ بابا دێروو

ئەڤ شەڤە بنڤە تێروو

سوبە ئوغرا تە خێروو

بابێت کچا د مەستن

سەر سڤاندا را دوستن 

دراڤا چاڤ لێ بەستن

بابێت کچا د دینن

سەر سڤاندا دروینن

هەکو دراڤا دبینن

کچا ژگوندی دقەتینن   

گوندێ مە گوندکێ رومییا

ئاڤکا مە ئاڤ کەکا کانییا

بیکا مە ژمالێت عەسلییا 

 گوندکێ مە دبەردا بیستانە

سینگێ تە بەفرا ل کیستانە

هەر مەمەک بسەد وبیستانە

نارینا منێ کورتکێ 

تژی دەستا لەپکێ

مە ترار دا بکودکێ

نارینێ دا ب چەمادا

دو روندکا دا ب رویادا

ژخەمێت باب وبرادا

نارینک.pdf 

ئەڤ بابەتە یێ هاتیە بەلاڤرن  ل دەنگێ بەهدینان: رێز ورێزگرتنا من بو ( دەنگێ بەهدینان ) ورێڤەبەر وکاربەدەستێت وێ بو ڤێ خەمخۆریێ.

 دەنگێ بەھدینان

 سەرەکی/ ئەدەب و ھونەر/ نارینکا کوردی چیە ؟

نارینکا کوردی چیە ؟

حوزه‌یران 12, 2021

https://dengebehdinan.net/11