حەیرانوک

ل سەربانا مەشە مەش نەکە

ئاگرێ جگارا خۆ لمن خۆش نەکە

ئەز یا تە مە خۆ شاش نە کە

مالکێت مە یێ ل سەرێ گرى

من لەپەکێ خۆلیێ ب سەرێ تە وەرکرى

مەگرتى ئەڤە حەفت سال تۆیا مرى

دەرسوکا خۆ ل من خوار نەکە

شیشا کولاڤێ ب سەردا نەکە

ئەز یا تەمە خۆ دین نەکە

پارزینى پاڤێژە پشتێ

ئەڤینا دلێ من گەهشتێ

نەتۆ کورتى ونەمەزنى

تۆ ب قایدا بەژن وبالا منى

تژى زەندا بازنى

بیکا میرێ مەزنى

روندکێن من تێن قەنتار ووەزنە

من حەیران دڤێت وحەیران ئەز نە

ئەز سەر بانى تۆ لسەر بانى

تە دەرسوک گرێدا فەلەکانى

ئەز یا تەمە تە نە دزانى

گەردنا زراڤ ب هەلینە دا بگەزم

هەکە تو مریدى شێخێ تە ئەزم

ئەم چو ینە گوندى گوندێ ڤال

ئەم نەچار بوین بوینە هەڤال

خەلکی گوتن ئەڤە چییە ؟

مە گوت ئەم بوینە مال

چوم بالاڤێ ل کانیا گەزێ

من بالاڤ کر ب دەستێ لەزێ

دێ هینگێ تەرکا چاڤێت بەلەک کەم

هەتا کەڤر دحەلیێت وهێستر دزێ

هەکە تۆ مازى چنى تۆ خول سەرا بەر نەدە

ئەز دێ گازى تەکەم جابا من نەدە

وەرە دانگا گوندى سینگ وبەرێ

من عەبدالا خودێ ژجانێ خۆرا تێک ڤەدە

کەڤوتا شینکر لناڤ دارو بارى

لاوکێ من یێ چویە کەزاخا رەزى

وەیلا ل منێ کورێ ئەز نەچومە هارى

چ ئیڤارە ئێڤارەکا خێرا

مەلا چونە مزگەفتا قەشە چونە دێرا

راموسانەکێ بدە من

چ خەمەکا د سەر خەمێ دا

سورگول بشکڤین د حەودێ دا

من حەیف وسەد مخابن

هەمى دلا دڵ حەباندن

هەمى مێرا ژن ئیناندن

چ بکەم سوعیدا مال خراب

بۆ پیسە مێرى ڤە گوهاستن

ئەم جیرانێت دەر ب دەرى ڤە

گوشتێ حەلیاى ب سەر هەستى ڤە

ئەز هینگێ تەرکا بەژنا بلند کەم

هەتا مرى رادبن ب جانگێ سپى ڤە

چاڤێت تە درەشن وکل سەبەبە

مالا خۆ بارکە ل گوندێ مە نەبە

هەکە تە شوى دڤێت

شوی بکە ولهیڤیا من نەبە

کراسێ کتانى سەرێ مەمکا دخورینن

خۆى وخیانى تەحلن

خەلکێ بیانى دشرینن

باکەکێ لێ ددەت ژ بنى دلڤن

عەجێبیا من ئەو عەجێبە

بەژنێت بلند وناڤ تەنگ زراڤ

شەڤێن چریا پتنێ د نڤن

بەرێ گوندێ مە ب نوکە

بەژن و بالا لاوێ من خشکوکە

سەد خوزیکێت وێ رۆژێ

لاوێ من دبتە زاڤا ئوئەز بوکە

دا بۆ تە ب لێنم ساڤارەکێ

دێ کەمێ قەلى وروینێ پائیزەکێ

هەکە دەیبابێن من گوتن کانێ

دێ بێژم کتکێ خارن بن تەبەقکێ

ئەز دێ دەمە تە قەلپان

توژى بدەمن گەڤسک

تو بدە من چوتێ سمبێل

دێ دەمە تە چوتێ بن بسک

کەلەک وگەمى بەردانێ

ئەڤە سەرێ حەفت سالانە

کەفتی مە بەندا پیسە مێرێ رەزیل

نە دهێم کوشتنێ ونە دهێم بەردانێ

دێ وه‌رن دلێ من عبدالا خودێ بكه‌لێشن

قوديكه‌ كا تيدا ره‌خه‌ك سه‌يدن ئێك مه‌لانه ‌ويێت دی ده‌روێشن

برينێت دلێ من چه‌ندێت كولن وێ ژ بنێ خو دئێشن

دلێ پر برین

دێ وه‌رن دلێ من ڤه‌كه‌ن

قوديكه‌ كا تێدا پێشا مه ‌نه‌كه‌ن

به‌ختێ خودێ دا، گه‌لی خه‌لكو عاله‌مێ

برينێت دلێ من دكولن كه‌س لومه‌ی من نەکەن

ئه‌ز دێ هينگی به‌ژنا بلند هێلم

ل سه‌رسنگێ من عبدالا خودێ

ببيت قرينا ته‌ڤر وبێرا

پاشی ب به‌نه‌ زوزانێت ژوری ل پيره‌ مه‌وته‌نا

کیسکێ حه‌یرانی تویتن تێ نه‌ما

چ خه‌ما نه‌خو ئه‌ز هه‌ریا ته‌مه‌

حه‌یران جوتیارێ سێمێلێ

قه‌لینێ تێکه‌ باده‌ سمبێلێ

ئه‌ز بو ته‌ چێترم ژ یا ده‌ڤه‌را نهێلێ

حه‌یران مال ل ڤێرێ بوو

ته‌سمبێل سویسن دکه‌ڤنه‌ به‌ر ده‌ڤێ مقه‌سێ

راموسانێت من ولاوکی د خوه‌شن

به‌ر سیلێ به‌ر به‌روکا ره‌سێ

ئەز ئاشقێ چاڤێت شینم

یێ من دەردە نە دەرمانە

حەکیم خودێ ولوقمانە

یا ژ خەلکی ڤە کەڤشکە

هەمجا سنجان سەر پشکە

دێ لەزکە بدە من راموسانی

تۆ یا بلەزى وئەز کاروانى

هەتا من کارێ خۆ کر وگوستیل کڕى

خەلکى بەژنا بلند خاست ونەخت ڤەبرى

زێرێ زەرم خراب نابم

مازیا شینم بێ بها نابم

ئەز یا تە مە لێ ڤە نابم

دەوسا میهێ ل دیف بزنێ را

خوزى ژخێرا خودێ را

ببامە سەعەتەکا زێرى د بەژنێ را

دێ بۆتە سەرژێکەم بەرخو بەرانى

هەکە دەیبابێت من گوتن کانی

دێ بێژم گورگى خارن بەر دارێ شڤانى

خوزى ئەڤرو روژا خوتبە با

رێکا تە ل بەر دەریکێ مالا مە با

دا من تێر بەژنا لاوێ خۆ دیتبا

پاشى بلا ڕۆژا قیامەتێ کورزەک زێدە با

دێ خۆهاڤێ مە سەر بەختێ سوڵتانێ

دا لاوێ من بەردەت ژ قەید وزیندانێ

بەختێ خۆ د گەل من خراب نەکە

ئەڤینا دلێ من بەرزە نەکە

ڤان نێریا شاخ ئالاندن

بسماما دووتمام رەڤاندن

د سەردا پرە و دبندا گەمى

ئەزگورى هەرسێ تبلێن گرتین قەلەمی

بەژنا بلند دهێت و ژزاخویێ

لاوێ من زاڤایە ببنە سەر شویێ

یێت هەژینیت بەلگێن چەما

پشتى بەژنا بلند ئەز حەلیام وچ دمن نەما

کانیا گوندێ مە ب رەونەقە

قەسرا بابێ لاوکێ من دو تەبەقە

خوزى مرادا دلێ من حاسل ببیت

پاشى مرن رێکا هەقە

ئاڤا ڤێدا دهێتوو چپک چپکە

هەچیێ حەیرانێ مالێ نە نیاسیت

سمبێل زەرە وهێشتا کوڕکە

بدار وبەرا بکەڤی دحەلینی

چ کەسێ ناڤ منو بەژنا بلند باخڤیت

یێ ژهەمیا عەزیزتر ئەو ب هەلینیت

دەوسا میهێ ل دیف بزنێ را

خوزى ژخێرا خودێ را

ببامە سەعەتەکا زێرى د بەژنێ را

کالکێ بێخە و بگورێ وەرە

ئەگەر دریا دێ ڤەچنم

ب ئارمیشێ سورو زەرە

ل حەوشا بابێ کوڕکا دیلانەکا بەستى

ئەز دێ چمە داوەتا لاوکێ خۆ

دەڤ بکەنى ودل شکەستى

تە ئاگر بەردا ڤى جانى

خەلک هەمى فەسادن

لڤی دەورى لڤى زەمانى

ژخالا خەلکێ ڤە نەخۆشى

ما نزانن تۆ نەخۆشێ بەژنا

بلندو هەردو چاڤێت رەشى

من بەرێ خۆ دایێ خفشێن غەزالا دا ب دەشتێ دا

دێ بلا خودێ خراب بکەت مالا خەلکێ گوندێ مەدا

چەوا وان دەستێت پسمامێ من ئێخستنە د کەلامچێ دا

هندى ئه‌ز ل ڤێ دنیایێ هه‌مه‌

دلێ من یێ پڕكوڤان وخه‌مه‌

تو دلێ خو نه‌هێله‌

یان بو ئاخێمه‌ یان بو ته‌ مه‌

كچكێ دینێ

ئه‌ز حه‌یرانێ ئه‌وى ده‌ڤى

ته‌ سنگ هه‌یڤا چارده‌ شه‌ڤى

ئه‌ز دێ هینگێ ته‌ركا به‌ژنا ته‌ یا بلند كه‌م

سه‌ر چیاكێ سیپانێ ببیت زه‌ڤى

چومە چەما چەم پەسارن

چومە گولا بشکوژ خوارن

من نە زانی کورکێت ڤی دەوری

چ بێ قەولن بێ قرارن

کورک

چومە چەما چەم چ دشینن

چومە گولا بشکوژ نینن

من نە زانی کچکێت ڤی دەوری

ل سەرچ قه‌ول وقرارا نینن

مادەم تە دل ل سەر مار کرنا من نینە

گوتنێت خەلکی ل دویف من ب برینە

کچێ دینێ

ئەز ل مالاخو نارینم

گوتنێت خەلکی لدویف تە نا برینم

ئەز ھنگی دراوستم

كوركو دینو ته‌ بو وه‌كر؟

تو ل به‌ر ده‌رێ خانیكێ مالا بابێ من را بوری ىسلاڤ نه‌كر

نێ ئه‌ز دزانم كراسێ من عه‌بدالا خودێ

یێ دڕیایى بوو من شه‌رم ژ خو كر

من قه‌ت هاش وێ چه‌ندێ نه‌بوو

كراسێ ته‌ به‌ر دلێ من قه‌دیفه‌بوو

به‌س چاڤێت گه‌له‌ك فه‌ساد ونه‌یارێت

کچێ دینی مال خرا بی

ته‌ بوکێ خو گرتی یه من دهێلێ