کوتانا پەزی
ب عەرەبی واتە: حَریسَه، حَظیرَه، عُنَّه، کَنیف، اَرِیَه
چەند پێناسە وپێزانین وشروڤەکرنێت هەمەرەنگ ل سەر(کوتانا پەزی):
١- كوتان: بو پەزی دھاتە چێکرن دا ھندەک سنگا ل عەردی قوتن ودا شڤکا تێ ئالینن وبلندکەن دا پەز نە دەرکەڤیتە ژدەرڤە.
٢- كوتان: چێدکرن ژسنگ قوتانێ وب شڤکان دکرنە تەعان ب شێوی چارگوشە بازنە دکرن، چەپەر بو دکرنە دەرگەهـ وپەز وبزن وحەیوان دکرن تێڤە ل ھاڤینا وپائیزا.
٣- کوتان: ب شەقلا ونیران بو پەزی چێدکەن، یێ سەر بەردایە ویێ بێ سەربانە.
٤- کوتان: پەرژان وپێژانێ دارانە یی تەعانکری بو حەواندنا پەز وبزنی یان تەرش وتریشی ل بەر دەرێ گوڤان یان ل هندەک جهێت ڤەدەر چێدکرن.
٥- کوتان: جهێ پەز وبزنایە ل بهار وپائیز وزفستانان، پەز وبزن دکرنە تێڤە، داردین دناڤ کوتانێ دچکلاندن ودارەکێ درێژ دانان ناڤ وان داردینکادا وتەخێت چلی یان یێت گل وگیایی دکرنە دناڤدا دا ئەو پەزی داکری تێڤە ب چەریت ب تەناهی.
٦- کوتان: جهئ ئاليك دانا پەزی يه ژلایێ خودانی ڤە ل جهێت تایبەت.
٧- کوتان: جهەکێ بێ بانە ودورماندورێ گرتی یە، بو هەمی جورێت پەزی دکرنە تێڤە.
٨- کوتان: جهەکێ تایبەتمەندە یی تەرخاندکریە بو تێڤەکرنا وداکرنا پەزی ل وەرزێ هاڤینێ ل حینێ چلەی وگەرم وگورێ.
٩- کوتان: دیوارەکێ داران وچق وشڤکانە یێ بازنەیی یە وسەر بەردایە دھاتە چێکرن ب مەبەستا پەز وبزن وکەوال دکرنێ.
١٠- کوتان: ژتا یان تان واتا گەلەک تاک وچەقانە، کۆما تاکێت دارانە ئەوێت هاتینە قوتان دئەردیرا.
١١- کوتان: شوینەکا بەرفرەهە بو حەواندن وچاڤدان وخۆدانکرنا پەزی ل هاڤینێ ل شوینا گۆڤێ دهات ل دەمێ زڤستانێ.
١٢- کوتان: یێ بێ بانە، دارینکا دناڤ کوتانێ دچکلینن ودارەکێ درێژ ددانن ناڤ وان داردینکاندا وتەخێت چلی وگیای دکەنە ناڤدا دا پەز وبزنا بەردەنە سەر دا بچەرن تایبەت ل زڤستانێ چنکی گەلەک روژان نە دشیان پەزی بەردەنە چول وئاقاری ژئەگەرێ مشە بارینا بەفر وبارنێ.
١٣- کۆتان: شوین وجهەکە بو مەری وپەزی وەکی زنجێ یە.
١٤- کۆتان: شوێنێکە کە مەڕ وماڵاتی تێدا مۆڵ بدرێ بە شەو.
هندی کولە یان گوڤە بو پەزی وبزنان ب کاردئینان، پەز وکەوال دکرن تێڤە دا هاتبانە پاراستن ژبەر سر وسەرمایا زڤستانێ. گوڤ ب تایبەتی ل پائیز وزڤستانێ ب کاردئینان بو پەز وحەیوان ودەواران ب شێوەکێ گشتی.
١٤-٨-٢٠٢٣ – دهوک - ئەحمەد عەلی